ვაცლავ ჰაველის სახელობის პარკის ღობეზე, ჩეხეთის 1989 წლის ხავერდოვანი რევოლუციის 35 წლისთავისადმი მიძღვნილი ბანერები წითელი საღებავებით გადაღებეს.

ამის შესახებ ინფორმაციას საქართველოში ჩეხეთის ელჩი, პეტრ კუბერნატი სოციალურ ქსელში წერს და შესაბამის ფოტოებს აქვეყნებს.

"სამწუხაროდ, ასე დამთავრდა ჩეხეთის 1989 წლის ხავერდოვანი რევოლუციის 35-ე წლისთავისადმი მიძღვნილი გამოფენა 1 კვირის შემდეგ. გამოფენა ვაკეში, მერიის მოპირდაპირე მხარეს, ვაცლავ ჰაველის პარკის გალავანზე იყო განთავსებული. ვერ ვიჯერებ, რომ ვინმეს ამ გამოფენასთან დაკავშირებით რაიმე პრობლემა ჰქონდა!", — წერს კუბერნატი X-ზე.