საქართველოს პრეზიდენტმა, სალომე ზურაბიშვილმა 22 ნოემბერს მთავარ არხს მისცა ინტერვიუ. ერთ-ერთ ნაწილში პრეზიდენტი საკონსტიტუციო სასამართლოს თემასაც შეეხო და მოსამართლეებს მიმართა.

"საკმარისია, იმ სამ მოსამართლეს, რომელიც ჩემი იმპიჩმენტის დროს დადო განსხვავებული მოსაზრება, დაემატოს სამი ადამიანი, და ამ ქვეყნის სტაბილურობას და ევროპულ მომავალს გადაარჩენენ. მე მინდა, რომ მივმართო მათ, დაფიქრდით, 1 წელი თუ 2 წელი, თუ რაც დაგრჩათ, ღირს იმისთვის, რომ ისტორიაში შეხვიდეთ, როგორც ამ ქვეყნის მოღალატე? თუ შეხვიდეთ როგორც ნამდვილი გმირები?", — განაცხადა პრეზიდენტმა.

შეგახსენებთ, რომ საქართველოს პრეზიდენტისა და პარლამენტის დეპუტატების სარჩელებს, რომლებიც 26 ოქტომბრის არჩევნების არაკონსტიტუციურად ცნობას მოითხოვს, საკონსტიტუციო სასამართლო ერთად განიხილავს.