თბილისის სახელმწიფო უნივერსიტეტის პირველ კორპუსთან შეკრებილი აქციის მონაწილეები გმირთა მოედანთან მივიდნენ, ორი კარავი უკვე გაშალეს და ადგილზე დარჩენას 22:00 საათამდე გეგმავენ.

აქციის მონაწილეები არჩევნების გაყალბებას აპროტესტებენ და ხელახალი არჩევნების დანიშვნას მოითხოვენ. სტუდენტების კიდევე ერთი მოთხოვნა, თსუ-ს რექტორის, ჯაბა სამუშიას გადადგომაა.

ადგილზე იმყოფებიან ოპოზიციონერი პოლიტიკოსები და სამოქალაქო აქტივისტები. მობილიზებულები არიან საპოლიციო ძალებიც.