მოსამართლე ნათია გუდაძემ 400-ლარიანი ჯებირის დაზიანების ბრალდებით დაკავებული ახალგაზრდების, 19 წლის ომარ ოკრიბელაშვილისა და 23 წლის საბა მეფარიშვილის პატიმრობა კვლავ ძალაში დატოვა.

სასამართლო პროცესზე შეუძლოდ გახდა საბა მეფარიშვილის დედა და სამედიცინო დახმარება დასჭირდა. ვიდეოს პუბლიკა ავრცელებს.

ახალგაზრდები პარლამენტის წინ მიმდინარე რუსული კანონის საწინააღმდეგო აქციების დროს დააკავეს 2024 წლის 12 მაისს. მათ დაკავების დღიდან აღკვეთის ღონისძიების სახით პატიმრობა აქვთ შეფარდებული, ხოლო სასჯელის სახით 3-6 წლამდე თავისუფლების აღკვეთა ემუქრებათ.