პარტია ხალხის ძალის ლიდერმა, სოზარ სუბარმა რადიო სივრცე FM 98.5-ზე განაცხადა, რომ თუ ახალარჩეული პარლამენტის პირველ სხდომაზე ოპოზიციური პარტიები პარლამენტს უფლებამოსილების შეჩერების მოთხოვნით მიმართავენ, ქართული ოცნება ამ პარტიებს უფლებამოსილებას შეუწყვეტს. მისივე თქმით, "ლაპარაკია ჯერჯერობით ორ პარტიაზე. დანარჩენი ორი ამას არ ამბობს და დანარჩენ ორთან დაკავშირებით საზოგადოებას მინდა ავუხსნა, რომ ისინი იტყუებიან, რომ "ლეგიტიმაციას არ მივცემთ პარლამენტს", მაგრამ პარალელურად არ წერენ განცხადებას. თუ უნდათ არ ცნონ ლეგიტიმაცია, მათაც გააკეთონ იგივე", — განაცხადა სუბარმა.

მისი თქმით, 2020 წლის არჩევნების შემდეგ, ოპოზიცია პარლამენტში არ შემოვიდა, შემდეგ აზრი შეიცვალა და "განაცდური საათებს ითხოვდა და რომ მიიღეს, ჩუმ-ჩუმად მადლობას იხდიდნენ. ამას ველოდებით ახლაც. 2 პარტიას ხმამაღა აქვთ გაცხადებული, რომ არ შემოვლენ. 2020-ში ხომ ჩახსნეს სიები, შემდეგ დაგვიწყეს თხოვნა, შეგვეცვალა კანონი, იხვეწებოდნენ, ვიღაცები რომ მოაკლდნენ, მათ ადგილას სხვები შემოსულიყვნენ და ამის უფლება მიგვეცა, რაც არ მივეცით.

რადგან ამ ორმა პარტიამ, ნაციონალური მოძრაობის ორმა განასხლეტმა — სააკაშვილის და გვარამიას პარტიებმა ასე მაღლა აწიეს ტემპერატურა, ალბათ იმედი მაქვს, მიყვებიან კანონს და მარტო პიარულად კი არ დაწერენ განცხადებებს, რა დღესაც ცესკო არჩევნების საბოლოო შედეგებს გამოაქვეყნებს, იმ დღეს უნდა მიმართონ ცესკოს და ჩახსნან იმ ხალხის სიები, ვინც ვერ მოხვდა პარლამენტში. როგორც კი პარლამენტის პირველი სხდომა შედგება და ცნობს 150-ვე დეპუტატის უფლებამოსილებას, უნდა მიმართონ პარლამენტს, რომ შეუწყვიტონ უფლებამოსილება. ასეთ შემთხვევაში პირობას გაძლევთ, რომ მათ შევუწყვეტთ უფლებამოსილებას. ლაპარაკია ჯერჯერობით ორ პარტიაზე. დანარჩენი ორი ამას არ ამბობს და დანარჩენ ორთან დაკავშირებით საზოგადოებას მინდა ავუხსნა, რომ ისინი იტყუებიან, რომ "ლეგიტიმაციას არ მივცემთ პარლამენტს", მაგრამ პარალელურად არ წერენ განცხადებას. თუ უნდათ არ ცნონ ლეგიტიმაცია, მათაც გააკეთონ იგივე", — განაცხადა სოზარ სოზარ სუბარმა.