ბელორუსიაში დიქტატურა არ არის და არ შეიძლება იყოს, — ამის შესახებ ქვეყნის პრეზიდენტმა ალექსანდრე ლუკაშენკომ განაცხადა. ინფორმაციას რუსული სამთავრობო მედია ავრცელებს.

"იმისთვის, რომ იყო დიქტატორი, საჭიროა შესაბამისი ბერკეტები გქონდეს. რა ბერკეტები მაქვს? ამერიკელებმა მოიგონეს, რომ დიქტატორი ვარ. ბაიდენებსაც და ტრამპებსაც კი არ შეუძლიათ დიქტატორობა, გლობალური მშპ-ს 30%-ს რომ აწარმოებენ და მე როგორღა უნდა ვიყო დიქტატორი", — განაცხადა ლუკაშენკომ.

ლუკაშენკომ აღნიშნა, რომ "ხშირად უწევს არაპოპულარული გადაწყვეტილებების მიღება. თუმცა ის, რომ ისინი ქვეყნისა და მოქალაქეების კეთილდღეობისა და განვითარებისაა აუცილებელი, ბევრ რამეში ეხმარება. თუ ყველაფერი მშვიდად, გლუვად იქნება, ქვეყანა ლპობას დაიწყებს, უნდა დავრწმუნდეთ, რომ ყველა მოქმედებს, მოძრაობს, ყველა რაღაცაც აკეთებს", — განაცხადა პრეზიდენტმა.