საზღვარგარეთ მცხოვრები ქართველები, ჯგუფი "კარები", GZA და Promote Georgia 23-24-25-26 ნოემბერს ევროპასა და აშშ-ში საპროტესტო აქციებს გამართავენ, რომელიც არჩევნების შემდეგ, 25 ნოემბერს ახალი პარლამენტის პირველი სხდომის ჩატარებას უკავშირდება. X-ზე გავრცელებულ ინფორმაციაში ასევე ნათქვამია, რომ საპროტესტო აქციები გაიმართება ასევე ბრიუსელსა და სტრასბურგში, რადგან ევროპარლამენტი სავარაუდოდ მიიღებს რეზოლუციას, რომელიც საქართველოს ბოლო საპარლამენტო არჩევნებს ეხება.

აქციების განრიგი

აქციების განრიგი

საზღვარგარეთ მცხოვრები ქართველები 23 ნოემბრიდან 26 ნოემბრის ჩათვლით აქციებს ჩაატარებენ: პრაღაში, კიოლნში, ფრანკფურტში, ფლორენციაში, მოდენაში, ვაშინგტონში, ციურიხში, მადრიდში, რომში, ლონდონში, პარიზში, ბრიუსელსა და სტრასბურგში.

"საზღვარგარეთ მცხოვრები ქართველები (ჯგუფები კარები, GZA, Promote Georgia) დღეს, ხვალ და 25-26 ნოემბერს ევროპასა და შეერთებულ შტატებში საპროტესტო აქციების სერიას მართავენ, რაც უკავშირდება მმართველი პარტია “ქართული ოცნების” გეგმას პარლამენტის მოწვევის შესახებ. საპროტესტო აქციები გაიმართება ასევე ბრიუსელსა და სტრასბურგში, რადგან ევროპარლამენტი სავარაუდოდ მიიღებს რეზოლუციას, რომელიც საქართველოს ბოლო საპარლამენტო არჩევნებს ეხება", — ვკითხულობთ X-ზე.