ჰელსინკის კომისიის თავმჯდომარე და MEGOBARI Act-ის ერთ-ერთი ავტორი ჯო უილსონი აშშ-ს წარმომადგენელთა პალატაში საგარეო საქმეთა კომიტეტის თავმჯდომარეობის ერთ-ერთი კანდიდატია. ინფორმაციას National Review ავრცელებს.

უილსონის თქმით, იგი მზადაა ტრამპის მომავალ ადმინისტრაციაში იმუშაოს და აშშ-ს მომავალ პრეზიდენტს საგარეო პოლიტიკის დღის წესრიგის გატარებაში დაეხმაროს.

"პრიორიტეტები, რომლებსაც მე ძალიან მინდა, მხარი დავუჭირო, მარკო რუბიოსთან ერთად მუშაობით, არის დონალდ ტრამპის პოლიტიკის პუნქტები, რომ ისინი სრულად ავუხსნა და წარვუდგინო ამერიკელ ხალხს ისე, რომ მათ ეს გაიგონ", — განაცხადა უილსონმა National Review-თან საუბრისას.

ჰელსინკის კომისიის თავმჯდომარე ჯო უილსონი ამერიკის ხმასთან აცხადებს, რომ MEGOBARI Act უნდა ამოქმედდეს.

"მე ძალიან იმედგაცრუებული ვარ. ჩვენ ისევ და ისევ გვერდით უნდა დავუდგეთ ხალხს საქართველოში. MEGOBARI Act უნდა ამოქმედდეს, ის ორპარტიულია და ასევე უნდა დავუდგეთ გვერდით საქართველოს. ამ მამაც, უნარიან ხალხს, მათთვის ყოველივე საუკეთესოს იმედი გვაქვს.

მე პატივს ვცემ იმას, რაზეც საქართველოს პრეზიდენტი მიუთითებს. დავუჭერ მხარს, რა კურსსაც ის მიიჩნევს ქართველი ხალხისთვის სასარგებლოდ, რაც არის დემოკრატიის სრულად აღდგენა საქართველოში. ჩვენ წავიწევთ წინ... ახლა ვმუშაობთ ლიდერებთან იმის უზრუნველსაყოფად, რომ როდესაც MEGOBARI Act კენჭისყრაზე დადგება, დადებითად გადაწყდეს", — აცხადებს ამერიკის ხმასთან ჯო უილსონი.