რატომ არის მნიშვნელოვანი: ამერიკის შეერთებული შტატების სახელმწიფო დეპარტამენტმა სანქციები დაუწესა საქართველოში სამ მოქმედ და ერთ ყოფილ მოსამართლეს — ლევან მურუსიძეს, მიხეილ ჩინჩალაძეს, ირაკლი შენგელიას და ვალერიან ცერცვაძეს.

  • სახელმწიფო დეპარტამენტის განცხადებით, მათ ბოროტად გამოიყენეს თანამდებობა, როგორც სასამართლოს თავმჯდომარეებმა და იუსტიციის უმაღლესი საბჭოს წევრებმა.
  • განცხადებაში აღნიშნულია, რომ მოსამართლეები "მნიშვნელოვან კორუფციულ საქმიანობაში ჩართულობის გამო" სანქცირდებიან.
  • გარდა ამისა, სანქციები დაუწესდათ მოსამართლეების წევრებსაც და აშშ-ში შესვლა აეკრძალათ.

დეტალები: მოსამართლეთა სანქცირების უპრეცედენტო ფაქტს ეხმაურებიან საზოგადოებრივი ორგანიზაციები, მოითხოვენ მათ გადადგომას და გამოძიების დაწყებას.

  • მათი განცხადებით, ისინი სასამართლო სისტემაში არსებული შესაძლო კორუფციული სქემების საკითხზე რეაგირებისკენ საქართველოს ხელისუფლებას მრავალი წელია მოუწოდებდნენ, ხოლო ეს მოწოდებები ხელისუფლების მხრიდან აღიქმებოდა, როგორც "დამოუკიდებელ სასამართლოზე" თავდასხმა.
  • დოკუმენტზე ხელმომწერი საზოგადოებრივი ორგანიზაციები მიიჩნევენ, რომ სახელმწიფო დეპარტამენტის გადაწყვეტილების და საქართველოში აშშ-ის საელჩოს განმარტებაზე დაყრდნობით, აუცილებელია სრული და ყოვლისმომცველი გამოძიების ჩატარება.
  • მოუწოდებენ საქართველოს პარლამენტს, შეიქმნას საგამოძიებო კომისია სასამართლო სისტემაში არსებული კორუფციული ფაქტების და სხვა სამართალდარღვევების შესწავლის მიზნით.
  • განცხადებას ხელს აწერენ: დემოკრატიის კვლევის ინსტიტუტი (DRI), სამოქალაქო იდეა, სასამართლოს გუშაგი, საქართველოს რეფორმების ასოციაცია (GRASS), დამოუკიდებელი იურისტების ჯგუფი, დემოკრატიის ინდექსი.