რატომ არის მნიშვნელოვანი: Wolt-ის კურიერები უკვე ორ თვეზე მეტია ანაზღაურების ზრდასა და ღირსეული სამუშაო პირობებს ითხოვენ.

  • გარდა ამისა, კურიერები უარს აცხადებენ კომპანიასთან ინდივიდუალურ შეხვედრაზე და ხელმძღვანელობასთან კოლექტიური შეხვედრის გამართვა სურთ.
  • "სამარცხვინოა, რომ ევროკავშირში რეგისტრირებული ფინური კომპანიის დაქირავებული დირექტორები საქართველოში მოქმედებენ საბჭოთა კაგებეს მეთოდებით და ცდილობენ ადამიანის დაშინებას", — განაცხადა ერთ-ერთმა მონაწილემ.
  • მისივე თქმით, მოთხოვნები უცვლელი რჩება და ესენია — "ღირსეული ანაზღაურება, კოლექტიური შეხვედრა, ხელმძღანელობის ცვლილება და ანტიკონსტიტუციური დევნის შეწყვეტა".

Wolt-მა გუშინ, 29 მარტს გაავრცელა განცხადება გაავრცელა, სადაც ნათქვამი იყო, რომ პატივს სცემენ ნებისმიერი ადამიანის გამოხატვის თავისუფლებას, თუმცა გააკრიტიკეს პროტესტის ფორმა.

  • "იყო შემთხვევები, როდესაც ჩვენს თანამშრომლებსა და პარტნიორებს უსამართლოდ მოექცნენ — მიაყენეს შეურაცხყოფა, გაავრცელეს ცრუ ინფორმაცია და მუშაობის საშუალებას არ აძლევდნენ სხვა პარტნიორ კურიერებს".
  • "ეს ნამდვილად არ არის პროტესტის მისაღები ფორმა. ჩვენთვის მნიშვნელოვანია, ჩვენმა პარტნიორმა კურიერებმა თავი უსაფრთხოდ იგრძნონ", — განაცხადეს კომპანიაში.
  • მათივე თქმით, არაერთხელ შესთავაზეს კურიერებს, გადასულიყვნენ დასწრებოდნენ შეხვედრებს, ასევე, იმედი გამოთქვეს, რომ ისინი კონსტრუქციულ დიალოგს დასთანხმებიან.

გარდა ამისა, კომპანიაში განაცხადეს, რომ 2018 წლის მაისიდან, მას შემდეგ რაც ბაზარზე შემოვიდნენ, არ ყოფილა შემთხვევა, რომ კურიერებისთვის ანაზღაურების ტარიფი შეემცირებინოთ.

  • როგორც ისინი ამბობენ, კურიერებისთვის ვოლტ საქართველოსგან ანაზღაურების სახით გაცემული თანხა 32 მილიონი ლარი იყო.
  • "ვიმედოვნებთ, რომ საპროტესტო აქციის მონაწილეები დათანხმდებიან კონსტრუქციული დიალოგის რეჟიმზე გადასვლას და მათ მოთხოვნებსა და პრობლემებს ვოლტ საქართველოს მენეჯმენტთან ერთად, შემოთავაზებულ ფორმატში განიხილავენ", — ნათქვამი იყო გუშინდელ განცხადებაში.

სოციალური სამართლიანობის ცენტრმა მხარი დაუჭირა პროტესტის მონაწილეებს.

  • გავრცელებულ განცხადებაში აღნიშნეს, რომ კურიერების უმძიმესი შრომა სათანადოდ არ კომპენსირდება.
  • "მათ რუტინულად უწევთ აუნაზღაურებელი დავალებების შესრულება — მაგალითად, ლოდინის დრო, შეკვეთის გაუქმებისას გაწეული სამუშაო. ეს ამ სექტორში ნორმალიზებულ პრაქტიკად იქცა", — ამბობენ ორგანიზაციაში.