ამის შესახებ ანანია გაჩეჩილაძემ ფორმულას გადაცემა ღამის კომენტარში ისაუბრა.

რატომ არის მნიშვნელოვანი: ანანია გაჩეჩილაძემ შალვა რამიშვილი სექსუალურ შევიწროებაში ამხილა.

• 25 მარტს გადაცემა შაბათის ფორმულამ გაავრცელა ჩანაწერი, სადაც გაჩეჩილაძისა და რამიშვილის საუბარი ისმის.
• ჩანაწერში ისმის სექსუალური შინაარსის კითხვები — "რა იცი იქნებ კარგია, ვიღაცების ხელში სათამაშო იყო... ტ*ნაურის დროს რომ გცემენ გევასება?"
• "არ გიყვარს როცა მამაშვილურად გეფერებიან?", — ისმის კიდევ ერთ ნაწყვეტში რამიშვილის ხმა, შაბათის ფორმულას წამყვანებმა თქვეს, რომ ამ დროს ის გაჩეჩილაძეს უახლოვდება და ფიზიკურ შეხებას ცდილობს.
• ისმის რამიშვილის კიდევ რამდენიმე ფრაზა: "*ლეობაა ეგ, არ არსებობს შვილო ლაპარაკი ქალს და კაცს შორის, არ არსებობს. ამ ბიზნესში ხარ, ხომ იცი, რომ ეგ *ლე ბაზარია"; "ნებისმიერი პირველი ღიმილი ნიშნავს კის, მომ**ანი".

დეტალები: ანანია გაჩეჩილაძის თქმით, პოლიციიდან მიმართვიდან 2 დღის შემდეგ დაუკავშირდნენ და შეხვედრა სთხოვეს.

• "პოლიციიდან დამიკავშირდნენ ორშაბათს, საღამოს საათებში, მას შემდეგ, რაც 2 დღით ადრე მიმართული მქონდა ელექტრონულად და შემდეგ მთელი დღის განმავლობაში ვაპელირებდი მათი მხრიდან უკონტაქტობაზე".
• აცხადებს, რომ შეხვედრაზე შეთანხმდნენ და სრული ჩანაწერის მიწოდება სთხოვეს.
• მისივე თქმით, მას სახალხო დამცველის აპარატიდანაც დაუკავშირდნენ.
• "დამიკავშირდნენ ასევე სახალხო დამცველის აპარატის ერთ-ერთი დეპარტამენტიდან და დამისვეს შეკითხვა, თუ რით შეუძლიათ დამეხმარონ";
• "ჩემი პასუხი არის შემდეგი, რომ მსურს, სახალხო დამცველის აპარატმა შეისწავლოს ეს საქმე და დაადგინოს, მოხდა თუ არა შალვა რამიშვილის მხრიდან ჩემი სექსუალური შევიწროება", — თქვა ანანია გაჩეჩილაძემ.

შალვა რამიშვილი 2016 წელს თათია სამხარაძემ სექსუალურ შევიწროებაში ამხილა და დავაც მოუგო.

• 2018 წლის 3 იანვარს მას სექსუალური შევიწროების საქმეზე საქალაქო სასამართლომ მორალური ზიანის ასანაზღაურებლად 2 000-ლარიანი ჯარიმა დააკისრა, რაც სააპელაციომ ძალაში დატოვა.
• 2023 წლის 20 მარტს თათია სამხარაძე POSTV-ის დაწყებულ პროპაგანდისტულ კამპანიას გამოეხმაურა და ფეისბუქზე დაწერა, რომ რამიშვილი სამსახურის შეთავაზებით იტყუებდა ახალგაზრდა გოგოებს ტელევიზიაში, კეტავდა კაბინეტის კარებს და საკუთარი ბინძური ფანტაზიების დაკმაყოფილებას ცდილობდა.
• ჟურნალისტმა მაკო ჯაბუამ განაცხადა, რომ ერთ-ერთი, ვისაც მსგავსი რამ გადახდა, თვითონ იყო და რამიშვილი სექსუალურ შევიწროებაში ამხილა.
• ჯაბუას პოსტის შემდეგ 7-მა ქალმა ფეისბუქზე დაწერა, რომ რამიშვილთან კომუნიკაციის არასასიამოვნო გამოცდილება ჰქონდათ, გასაუბრებაზე იღებდნენ სექსუალური შინაარსის კითხვებს და განიცდიდნენ დისკომფორტს.
• თავად რამიშვილმა ეს ბრალდებები უარყო.