ამის შესახებ გადაწყვეტილება თბილისის სააპელაციო სასამართლოში მოსამართლე მერაბ ჯორბენაძემ გამოაცხადა.

რატომ არის მნიშვნელოვანი: ბადრი ჯაფარიძეს, მამუკა ხაზარაძესა და ავთანდილ წერეთელს პროკურატურა ფულის გათეთრებას ედავებოდა.

  • 2019 წლის 8 იანვარს გავრცელდა ინფორმაცია, რომ პროკურატურამ თიბისი ბანკიდან დოკუმენტები ამოიღო.
  • მაშინ პროკურატურამ განმარტა, რომ თიბისი ბანკის 2008 წლის აქტივობები შეიცავდა ფულის გათეთრების ნიშნებს და მასში თიბისის დამფუძნებლები და ამავდროულად, სამეთვალყურეო საბჭოს თავმჯდომარე, მამუკა ხაზარაძე და მისი მოადგილე ბადრი ჯაფარიძე ფიგურირებდნენ.
  • 2022 წლის 12 იანვარს ხაზარაძე-ჯაფარიძე-წერეთელს ბრალი გადაუკვალიფიცირეს და ფულის გათეთრების ნაცვლად, დამნაშავედ თაღლითობაში ცნეს.
  • მოსამართლემ მათ 7 წელი მიუსაჯა, თუმცა საქმის ხანდაზმულობის გამო სასჯელი გაუუქმეს.

ამასთან ძალაში დარჩა როგორც ჯაფარიძის, ასევე, ხაზარაძის მიმართ გამოყენებული აღკვეთის ღონისძიება, გირაო და დამატებითი ვალდებულება, მათ შორის საქართველოს საზღვრის დატოვების აკრძალვის გაუქმება.

  • ასევე გააუქმეს 2019 წლის 9 აგვისტოს თბილისის საქალაქო სასამართლოს განჩინებით ჯაფარიძისა და ხაზარაძის მიმართ შეფარდებული აღკვეთის ღონისძიების გირაოს უზრუნველსაყოფად ქონებაზე დადებული ყადაღა.

დეტალები: მამუკა ხაზარაძემ სხდომის დასრულების შემდეგ განმარტა, რომ გადაწყვეტილებას უზენაეს სასამართლოში გაასაჩივრებს.

  • "მათ სიტყვა ვერც კი თქვეს, ვერც პირველმა ინსტანციამ და ვერც მეორემ. ფულის გათეთრება არ ყოფილა და ჩვენ ვართ მართლები. ის, რომ მე ახლა თქვენს წინაშე ვდგავარ და ის, რომ ოთხი წელია მიმდინარეობს ეს სასამართლო და ჩვენ არ ვართ საპყრობილეში, ნიშნავს, რომ საქმე აბსურდულია", — განაცხადა ხაზარაძემ.