რა ხდება: მაშველები ამ დრომდე ეძებენ ჩამოვარდნილ ვერტმფრენს, რომელშიც ირანის პრეზიდენტი იჯდა.

  • ებრაჰიმ რაისი თაბრიზში აზერბაიჯანიდან ბრუნდებოდა, სადაც ილჰამ ალიევს მდინარე არაქსზე კაშხლის აშენებასთან დაკავშირებით შეხვდა.

დეტალები: ინციდენტი დიზმარის ტყეში მოხდა. ირანული სამთავრობო მედიასაშუალება IRNA წერს, რომ ადგილზე მუშაობენ მაშველები და კინოლოგები, ტერიტორიას ათვალიერებენ დრონებითაც.

სამძებრო ოპერაციაში ჩართულია სპეცრაზმი.

  • BBC წერს, რომ სამაშველო ჯგუფების მუშაობას უამინდობა — წვიმა და ნისლი აფერხებს.
  • ვერტმფრენში, რაისისთან ერთად იმყოფებოდა ირანის საგარეო საქმეთა მინისტრიც.

ბოლო ხაზი: რაისი პრეზიდენტად 2021 წელს აირჩიეს.

  • ის მიიჩნევა ირანის უზენაესი ლიდერის, აიათოლა ხამენეის პოტენციურ მემკვიდრედ.