მოკლედ: 24 მაისს, 19:00 საათზე, რუსული კანონის საპროტესტო აქციებზე დაკავებული და დაზარალებული ადამიანების სოლიდარობის ნიშნად, თავისუფლების მოედნიდან შინაგან საქმეთა სამინისტრომდე მარში გაიმართება.

  • მარშის ორგანიზატორები არიან საქართველოს არასამთავრობო ორგანიზციები.

დეტალები: ორგანიზატორები წერენ, რომ რუსული კანონის ინიციირებიდან დღემდე, პოლიციამ პროტესტში მონაწილე 200-ზე მეტი ადამიანზე დააკავა, ათეულობით ადამიანი ჯარიმდება იმ სამართალდარღვევებისთვის, რომელიც მას არ ჩაუდენია და ასეულობით ადამიანს უსაფუძვლოდ იბარებენ დაკითხვაზე.

  • "ჩვენ გვინდა სამართლებრივი სახელმწიფო, სადაც პოლიცია დაგვიცავს და ხელისუფლების ხელში პოლიტიკური იარაღი არ იქნება".
  • ორგანიზატორების თქმით, პოლიცია არა კანონს, არამედ ბიძინა ივანიშვილს ემსახურება, ხოლო შინაგან საქმეთა მინისტრმა, ვახტანგ გომელაურმა "საქართველოს პოლიცია ივანიშვილის დაცვის პირად სამსახურად აქცია".

კონტექსტი: საქართველოს მთავრობის მიერ რუსული კანონის ინიციირება და მისი მესამე მოსმენით მიღება, მასობრივი პროტესტის მიზეზია.

  • რუსულ კანონს აპროტესტებენ როგორც თბილისში, ასევე რეგიონებში და ევროპის სხვა ქვეყნებში მცხოვრები ქართველები.

საქართველოს სახალხო დამცველის აპარატის მიხედვით, 15 აპრილიდან 17 მაისამდე პერიოდში, რუსული კანონის საპროტესტო აქციებზე დაკავებული 180 პირიდან, 93 პოლიციის მხრიდან არასათანადო მოპყრობაზე მიუთითებს.

  • პოლიციამ აქციებზე ათეულობით ადამიანი დააკავა ადმინისტრაციული სამართალდარღვევებისთვის, წვრილმანი ხულიგნობისა და პოლიციელისადმი დაუმორჩილებლობისთვის.

მსგავსი: დავით ქაცარავა კლინიკიდან გაწერეს — მან თქვა, რომ სპეცრაზმელები აქციაზე მის გაგუდვას ცდილობდნენ

ასევე, ნახეთ: პოლიციის მხრიდან, კვლავ დაფიქსირდა მოქალაქეთა მიმართ რამდენიმე არასათანადო მოპყრობის ფაქტი — სახალხო დამცველი