რა ხდება: ანტისაოკუპაციო მოძრაობის ლიდერმა, დავით ქაცარავამ კლინიკა დატოვა.

  • სახეზე ქაცარავას ნათლად ეტყობა ფიზიკური ანგარიშსწორების მძიმე კვალი.

დეტალები: მისი თქმით, ამჟამად, მძიმე ტვინის შერყევა და მხედველობის პრობლემა აქვს.

კლინიკიდან კი ქაცარავა სამხარაულის ბიუროში წავიდა, ექსპერტიზისთვის.

  • "საკმაოდ მიჭირს როგორც გადაადგილება, ასევე რაიმე სახის აქტივობა და უნდა დავემორჩილო იმ მკურნალობას, რომელიც დანიშნული მაქვს. გარკვეული პერიოდი წოლითი რეჟიმი მექნება დანიშნული", — თქვა მან.

აქტივისტი ჰყვება, რომ დაკავებისას მას სპეცრაზმელები ახრჩობდნენ და ამისი კვალიც ეტყობა.

  • " მათ სპეცრაზმთან არანაირი კავშირი არ აქვთ, ისინი უბრალოდ ჯალათები არიან და იყო მცდელობა ჩემი გაგუდვის, რომელიც საკმაოდ ბრუტალური იყო და ეს ხდება იმ ბოლო ცემის დროს, როდესაც ყველაზე სასტიკად გამისწორდნენ ეს ჯალათები", — თქვა ქაცარავამ.

კონტექსტი: ქაცარავას სპეცრაზმმა 14 მაისს, რუსული კანონის საწინააღმდეგო აქციაზე სცემა.

  • ის, მოგვიანებით, კლინიკაში გადაიყვანეს, სადაც ოპერაცია ჩაუტარდა — სპეცრაზმელების ძალადობის შედეგად, დავით ქაცარავას სახლის ძვლების მოტეხილობა ჰქონდა.
  • სპეციალური საგამოძიებო სამსახურის განცხადებით, ქაცარავას ცემის ფაქტზე, გამოძიება დაიწყეს.