მოკლედ: შინაგან საქმეთა სამინისტროს ინფორმაციით, 1991 წელს დაბადებული, წარსულში ნასამართლევი პირი, ჯანმრთელობის განზრახ დაზიანების ბრალდებით დააკავეს.

  • დანაშაული 6 წლამდე პატიმრობას ითვალისწინებს.

დეტალები: გამოძიებით დადგინდა, რომ ბრალდებულმა, გუშინ, 19 მაისს, თბილისში, ნაძალადევის რაიონში, ყოფით ნიადაგზე არსებული კონფლიქტის შედეგად, 4 პირს, ბლაგვი საგნის გამოყენებით, სხეულის სხვადასხვა არეში დაზიანება მიაყენა და შემთხვევის ადგილიდან მიიმალა.

  • შსს-ს მიხედვით, დაშავებულთაგან ერთ-ერთ მამაკაცს სამედიცინო დახმარება ადგილზე გაეწია, ხოლო სამი პირი საავადმყოფოში გადაიყვანეს.
  • სამართალდამცველებმა გ.მ. ბრალდებულის სახით ცხელ კვალზე დააკავეს.
  • პოლიციამ ნივთმტკიცებად ამოიღო დანაშაულის ჩადენის იარაღი.