მოკლედ: დღეს, 20 მაისს, 6 საათზე, თეთრპერანგიანების მარში გაიმართება.

  • ახალგაზრდები, რომლებიც დღეს სკოლას ამთავრებენ და ბოლო ზარი აქვთ, კიდევ ერთხელ შეიკრიბებიან და რუსულ კანონთან დაკავშირებით, მათ პოზიციას დააფიქსირებენ.

დეტალები: ახალგაზრდები განათლების სამინისტროსთან შეიკრიბებიან და მსვლელობით, პარლამენტის შენობამდე მივლენ.

  • "ამ პერფორმანსით ნათლად დავაფიქსირებთ ჩვენ სამოქალაქო პოზიციას და ვაჩვენებთ მთელ საქართველოს, რომ ამ უმძიმეს წუთებში ვდგავართ იქ, სადაც სამშობლოს ყველაზე მეტად სჭირდება!".
  • ახალგაზრდები კიდეც ერთხელ აცხადებენ, რომ ხელისუფლების მიერ რუსული კანონის მიღება კონსტიტუციის უხეში დარღვევაა და საქართველოს ევროკავშირში გაწევრიანებას შეუძლებელს ხდის:
  • "თუ ჩვენ არ დავიცავთ ჩვენ ცივილიზაციურ არჩევანს, საქართველოში გაფორმდება დიქტატურა, ჩვენ ქვეყანას რუსული რკინის ფარდა ჩამოეფარება და საქართველო რუსეთის გუბერნიად გადაიქცევა".

კონტექსტი: 2024 წლის 14 მაისს, მიუხედავად მასობრივი პროტესტისა, საქართველოს პარლამენტმა რუსული კანონი მესამე, საბოლოო მოსმენით მიიღო.