რა ვიცით კობახიძის ვიზიტზე თურქეთში, სადაც ის ხუთ მინისტრთან და კიდევ ორ მაღალჩინოსანთან ერთად ჩავიდა
![](http://phoebe.on.ge/2024/05/16/37214839-981f-466e-b22c-d315114f108b_66461a0f51cf3.jpg)
ფოტო: მთავრობის ადმინისტრაცია
რა ხდება: ირაკლი კობახიზე თურქეთშია. მთავრობის ადმინისტრაციის მიხედვით, დღეს, 16 მაისს, ის თურქეთის რესპუბლიკის პრეზიდენტს, რეჯეფ თაიფ ერდოღანს შეხვდება.
- ეს მისი, როგორც პრემიერ-მინისტრის პირველი ოფიციალური ვიზიტია ანკარაში.
- ირაკლი კობახიძესთან ერთად არის საქართველოს საგარეო საქმეთა მინისტრი ილია დარჩიაშვილი. ის ამბობს, რომ განხილული იქნება საკითხები, რომელიც აერთიანებს ორი ქვეყნის სტრატეგიულ ინტერესებს.
- "თურქეთი არის სტრატეგიული პარტნიორი საქართველოსთვის და მთავრობის მეთაურის ვიზიტი ქვეყნებს შორის არსებულ მჭიდრო ურთიერთობებს ძლიერ იმპულსს შესძენს", — განაცხადა მინისტრმა.
საქართველოდან თურქეთში მივლენილი ოფიციალური პირების დელეგაცია დიდია: კობახიძესთან ერთად იქ იმყოფებიან
- პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი,
- ვიცე-პრემიერი, თავდაცვის მინისტრი ირაკლი ჩიქოვანი,
- საგარეო საქმეთა მინისტრი ილია დარჩიაშვილი,
- განათლების, მეცნიერებისა და ახალგაზრდობის მინისტრი გიორგი ამილახვარი,
- ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე,
- და ასევე — აჭარის ავტონომიური რესპუბლიკის მთავრობის თავმჯდომარე თორნიკე რიჟვაძე და მთავრობის ადმინისტრაციის უფროსი ლევან ჟორჟოლიანი.
ჩასვლისთანავე მავზოლეუმში: ირაკლი კობახიზემ გვირგვინით შეამკო მუსტაფა ქემალ ათათურქის საფლავი. ის ათათურქის მავზოლეუმში დელეგაციის წევრებთან ერთად იმყოფებოდა.
- "პრემიერ-მინისტრმა პატივი მიაგო თურქეთის რესპუბლიკის დამაარსებლის ხსოვნას და ათათურქის მუზეუმში ხსოვნის წიგნში ჩანაწერი დატოვა", — იუწყება მთავრობის ადმინისტრაცია.
კიდევ რა ვიცით: დღეს თურქეთის პრეზიდენტის სასახლეში საქართველოს პრემიერ-მინისტრის დახვედრის ოფიციალური ცერემონია გაიმართება.
- ირაკლი კობახიძეს თურქეთის რესპუბლიკის პრეზიდენტი რეჯეფ თაიფ ერდოღანი უმასპინძლებს.
- რაზე ისაუბრებენ: "განხილული იქნება ისეთი საკითხები, რომელიც აერთიანებს ჩვენი, ორი ქვეყნის სტრატეგიულ ინტერესებს", — თქვა საგარეო საქმეთა მინისტრმა ილია დარჩიაშვილმა ანკარაში ჩასვლის შემდეგ და აღნიშნა: "ჩვენ გვაქვს ძალიან ძლიერი, მჭიდრო, მეგობრული ურთიერთობები, როგორც ხელისუფლებებს, მთავრობებს შორის, ასევე ჩვენი ხალხთაშორისი ურთიერთობები განსაკუთრებულობით გამოირჩევა."
- დელეტაციას ანკარას ესენბოღას საერთაშორისო აეროპორტში დახვდნენ თურქეთის რესპუბლიკის ტრასპორტისა და ინფრასტრუქტურის მინისტრი აბდულქადირ ურალოღლუ და სხვა ოფიციალური პირები.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები