რა ხდება: თბილისის სახელმწიფო უნივერსიტეტის მეორე კორპუსთან, ცოტა ხნის წინ, სიტუაცია დაძაბული იყო.

  • ტვ პირველის ინფორმაციით, ირაკლი კობახიძის ლექციის პარალელურად, აქ სტუდენტები შეიკრიბნენ, რომლებიც ამბობდნენ, რომ პრემიერის უნივერსიტეტში შეცილებას მშვიდობიანი პროტესტით აპირებდნენ, თუმცა მათ "სადამსჯელო სპეცოპერაცია მოუწყვეს".

დეტალები: ვრცელდება კადრები, სადაც ჩანს, თუ როგორ უსწორდებიან იქ მისული ადამიანები სტუდენტებს.

როგორც ტვ პირველი წერს, ადგილზე იმყოფებოდა საპატრულო პოლიციის დეპარტამენტის მთავარი სამმართველოს უფროსის მოადგილე, გოგა მემანიშვილი, რომელსაც არცერთი მოძალადის დაკავება არ უცდია.

  • "ვცდილობდით, არ წამოვგებოდით პროვოკაციას, იქიდან მოდიოდა შეურაცხმყოფელი რეპლიკები და ზურგს ვაქცევდით. ბოლოს, როდესაც ვერ შეძლეს პროვოცირება გადმოვიდნენ ფიზიკურ თავდასხმაზე. გოგა მემანიშვილი პირადად ხელმძღვანელობდა ამ პროცესს სწორედ გოგა მემანიშვილმა განაცხადა, რომ თითქოს ჩვენ გადავდიოდით სიტყვიერ შეურაცხყოფაზე. პოლიციამ არა თუ მწვანე შუქი აუნთო ჩვენზე ძალადობას, სინამდვილეში ეს ადამიანები ერთობლივად მოქმედებენ", - ამბობს სტუდენტი ნიკო მანაგაძე.