რა ხდება: მაშველებმა იპოვეს ირანის პრეზიდენტის ებრაჰიმ რაისის ვერტმფრენი. სახელმწიფო ტელევიზიის ინფორმაციით, სიცოცხლის "არავითარი ნიშანი" არ არის.

დეტალები: Reuters-ის ცნობით, ვერტმფრენი სრულად დაიწვა.

  • გამოცემა ოფიციალურ პირზე დაყრდნობით წერს, რომ ყველა მგზავრი დაღუპულად მიიჩნევა.

ირანის სახელმწიფო მედია იტყობინება, რომ ადგილზე გადაღებულ სურათებზე ჩანს, რომ ვერტმფრენი მთის მწვერვალს დაეჯახა, თუმცა ავარიის მიზეზებზე ოფიციალური ინფორმაცია ჯერ არ გავრცელებულა.

ბოლო ხაზი: ავიაკატასტროფა გუშინ მოხდა. ირანის პრეზიდენტი აზერბაიჯანიდან თაბრიზში ბრუნდებოდა, როდესაც მისი ვერტმფრენი ჩამოვარდა.

  • სამაშველო სამუშაოები, ძლიერი წვიმისა და ნისლის პირობებში, მთელი ღამის განმავლობაში მიმდინარეობდა.

რაისი პრეზიდენტად 2021 წელს აირჩიეს.

  • ის მიიჩნეოდა ირანის უზენაესი ლიდერის, აიათოლა ხამენეის პოტენციურ მემკვიდრედ.