მოკლედ: ხვალ, 21 მაისს, 15:00 საათზე, საქართველოს პარლამენტთან, რუსული კანონის წინააღმდეგ, ახალგაზრდების მიერ ორგანიზებული კიდევ ერთი აქცია გაიმართება.

დეტალები: "21 მაისს ვიკრიბებით პარლამენტის წინ 15:00 საათიდან, შემდეგ კი გვექნება ხმაურიანი, ენერგიული, მტკიცე და პატრიოტული მსვლელობა, კანონის სრული დაცვით", — წერს ახალგაზრდული მოძრაობა დაფიონი.

  • დღეს, 20 მაისს, 18:00 საათზე, მეთორმეტეკლასელები "თეთრპერანგიანების მარშს" გამართავენ.
  • ახალგაზრდები, რომლებიც დღეს სკოლას ამთავრებენ და ბოლო ზარი აქვთ, კიდევ ერთხელ შეიკრიბებიან და რუსულ კანონთან დაკავშირებით, მათ პოზიციას დააფიქსირებენ.

ბოლო ხაზი: 2024 წლის 14 მაისს, მიუხედავად მასობრივი პროტესტისა, საქართველოს პარლამენტმა რუსული კანონი მესამე, საბოლოო მოსმენით მიიღო.