მოკლედ: ხვალ, 21 მაისს, 10:00 საათზე, გაიმართება მარში თავისუფალი ხელოვნებისთვის!

  • მარშის ორგანიზატორები არიან სამხატვრო აკადემიის, თეატრალური უნივერსიტეტის და კონსერვატორიის სტუდენტები.

დეტალები: სტუდენტების მსვლელობა რუსთაველის მეტროსთან დაიწყება და სამხატვრო აკადემიის, თეატრალური უნივერსიტეტის და კონსერვატორიის გავლით, საქართველოს კულტურისა და სპორტის სამინისტროსთან დამთავრდება.

  • "რუსული რეჟიმი, რომელსაც ხელისუფლება ამყარებს, გვიზღუდავს შემოქმედებით თავისუფლებასა და განვითარების გზებს, იქნება ეს რუსული კანონით დამყარებული ცენზურა, თუ — სხვა სადამსჯელო ღონისძიებები", — წერენ ორგანიზატორები.
  • სტუდენტები მოითხოვენ უნივერსიტეტების რექტორებმა ხელმოწერები გაიწვიონ განცხადებიდან, რომლითაც "სასწავლებელი დაუპირისპირდა სტუდენტების ნებას და უგულებელყო მიმდინარე პოლიტიკური პროცესები".

ხვალვე, 21 მაისს, 15:00 საათზე, საქართველოს პარლამენტთან, რუსული კანონის წინააღმდეგ, ახალგაზრდების მიერ ორგანიზებული კიდევ ერთი აქცია გაიმართება.

კონტექსტი: 14 მაისს, მიუხედავად მასობრივი პროტესტისა, საქართველოს პარლამენტმა რუსული კანონი მესამე, საბოლოო მოსმენით მიიღო, რის შემდეგაც 30-ზე მეტი უნივერსიტეტის სტუდენტები გაიფიცნენ.

  • ისინი აცხადებენ რომ აუდიტორიებში არ დაბრუნდებიან მანამ, სანამ მთავრობა რუსულ კანონს არ გაიწვევს.
  • სტუდენტურ გაფიცვას შეუერთდნენ სხვადასხვა უნივერსიტეტების ლექტორები და პროფესორები.

14 მაისს, 38-მა უნივერსიტეტმა განაცხადა, რომ "პოლიტიკური პროცესები აკადემიური სივრცის მიღმა უნდა დარჩეს" და არ უნდა აისახოს სწავლის პროცესზე.

  • თავდაპირველად, განცხადებას ხელს აწერდა 38 უნივერსიტეტი, თუმცა, მოგვიანებით, კავკასიის საერთაშორისო უნივერსიტეტმა და შავი ზღვის საერთაშორისო უნივერსიტეტმა საკუთარი ხელმოწერა გამოითხოვეს.

გაიგე მეტი: განათლების ხარისხის ცენტრის განცხადება პროტესტის გამო, სასწავლო პროცესის შეჩერების ფაქტებთან დაკავშირებით

  • უნივერსიტეტების განცხადების შემდეგ, ლექტორების ნაწილმა, პროტესტის ნიშნად დატოვა ის უნივერსიტეტები, რომელთა ადმინისტრაციაც გაემიჯნა სტუდენტურ პროტესტს რუსული კანონის წინააღმდეგ.

მსგავსი: ნიკო ნერგაძე კავკასიის უნივერსიტეტს ტოვებს — მიზეზი უმაღლესი სასწავლებლის ხელმძღვანელობის პოზიციაა