თბილისის საქალაქო სასამართლომ ფორმულას გადამღებ ჯგუფზე თავდამსხმელი დავით ველიჯანაშვილი დამნაშავედ ცნო.

რატომ არის მნიშვნელოვანი: 17 მარტს თბილისში, აბაშიძის ქუჩაზე ერთ-ერთ კაფეში ფორმულას გადამღებ ჯგუფს თავს დაესხნენ. ტელეკომპანიის ინფორმაციით, ჟურნალისტი რესპონდენტს წერდა, როდესაც ერთ-ერთმა იქ მყოფმა ფორმულას თანამშრომლის მიმართ აგრესია გამოხატა.

  • ველიჯანაშვილმა ჟურნალისტს და ოპერატორებს ფიზიკური და სიტყვიერი შეურაცხყოფა მიაყენა, დაემუქრა, ინტერვიუს ჩაწერის შეწყვეტა და კაფის დატოვება მოსთხოვა.

დეტალები: როგორც ფორმულა წერს, მოსამართლემ ველიჯანაშვილი ჟურნალისტური საქმიანობის ხელის შეშლისა და დევნის ნაწილში გაამტყუნა.

  • ხოლო 118-ე მუხლი, ჯანმრთელობის ნაკლებად მძიმე დაზიანება, გადაკვალიფიცირდა 122-ე მუხლად, რაც ფარგლებს გადაცილებით ჯანმრთელობის დაზიანებას გულისხმობს.