ამის შესახებ უკრაინსკა პრავდა იუწყება.

რატომ არის მნიშვნელოვანი: უკვე რამდენიმე კვირაა, რუსეთი უკრაინულ დასახლებებს ირანული კამიკაძე დრონებით ბომბავს.

  • მხოლოდ გუშინ კიევზე საჰაერო თავდასხმას, ბოლო მონაცემებით, 5 ადამიანი ემსხვერპლა — მათ შორის, 6 თვის ორსული და მისი ქმარი.
  • ირანი რუსეთისთვის დრონების მიწოდების ფაქტს უარყოფს.

დეტალები: კულებას თქმით, უკრაინასთან ურთიერთობის განადგურებაზე მთელი პასუხისმგებლობა თეირანს ეკისრება, რადგან უკრაინას აქამდე არასდროს დაუფიქსირებია ანტიირანული პოზიცია.

  • "ირანული დრონებით უკრაინის სამოქალაქო ინფრასტრუქტურის მასიური ნგრევის, ჩვენი ხალხის სიკვდილის, ტანჯვისა და იმ ცნობების გამო, რომ ირანმა, შესაძლოა, გააგრძელოს იარაღის მიწოდება რუსეთისთვის, წარვუდგენ წინადადებას პრეზიდენტს, ირანთან დიპლომატიური ურთიერთობების შეწყვეტაზე", — განაცხადა კულებამ.
  • "მას შემდეგ, რაც ირანი გახდა მონაწილე რუსეთის აგრესიისა და დანაშაულისა, ჩვენ დღეს ძალიან მკაფიო და პატიოსანი პოზიცია დავიკავეთ. თუ ირანი შეწყვეტს რუსეთისთვის იარაღის მიწოდებას, ვისაუბრებთ ურთიერთობის აღდგენაზე", — აცხადებს საგარეო საქმეთა მინისტრი.