ინფორმაცია სროლის შესახებ თავდაპირველად რუსულ კრიტიკულ მედიებზე გავრცელდა, შემდეგ კი თავდაცვის სამინისტრომ დაადასტურა.

რატომ არის მნიშვნელოვანი: ოფიციალური ინფორმაციით, სამხედრო პოლიგონზე სროლას 11 სამხედრო ემსხვერპლა, 15 კი დაშავდა.

  • თუმცა როგორც SOTA წერს, შესაძლოა, დაღუპული იყოს 22 და დაჭრილი — 16.
  • მათივე ინფორმაციით, ამ პოლიგონზე 100-ზე მეტი ადამიანი იყო, რომლებმაც კატეგორიული უარი განაცხადეს ლიმანში გაგზავნაზე და სამხედრო ხელმძღვანელობა ერთ კვირაზე მეტ ხანს ცდილობდა მათ დათანხმებას.

დეტალები: რუსული უწყების განცხადებით, "დსთ-ის ერთ-ერთი ქვეყნის" ორმა მოქალაქემ ბელგოროდის რეგიონში, საწვრთნელ მოედანზე სწავლების დროს "ტერორისტული თავდასხმა" მოაწყო.

  • მათივე თქმით, ტერორისტებმა ცეცხლი გაუხსნეს ქვედანაყოფის პერსონალს და "მოხალისეებს", რომლებსაც ომში წასვლა სურდათ.
  • გავრცელდა ინფორმაცია ორივე მსროლელის ლიკვიდაციის შესახებ.