განცხადება ევროკავშირის ვებგვერდზე გამოქვეყნდა.

რატომ არის მნიშვნელოვანი: ატომური ელექტროსადგური რუსებმა არაერთხელ დაბომბეს.

  • 8 აგვისტოს ატომური ენერგიის საერთაშორისო სააგენტოს (IAEA) გენერალურმა დირექტორმა, რაფაელ მარიანო გროსიმ განაცხადა, რომ სადგურზე თავდასხმა ბირთვული კატასტროფის რეალურ რისკზე მიანიშნებს.
  • უკრაინის შინაგან საქმეთა მინისტრის თქმით, კი ელექტროსადგური ახლა არა მხოლოდ ოკუპანტების, არამედ უცოდინარი სპეციალისტების ხელშია, როლებსაც შეუძლიათ ტრაგედია დაუშვან.
  • ხოლო, Amnesty international-ის განცხადებით, რუსეთი ზაპოროჟიეს ატომურ ელექტროსადგურს სამხედრო ბაზად იყენებს.

ხელმომწერი ქვეყნები მტკიცედ უჭერენ მხარს ბირთვული უსაფრთხოების ფუნდამენტურ მნიშვნელობას.

  • მათი განცხადებით, ევროპის უდიდეს ელექტროსადგურზე რუსეთის კონტროლი დიდ საფრთხეს უქმნის ბირთვულ უსაფრთხოებას.
  • "ბირთვულ ობიექტზე რუსი სამხედრო პერსონალისა და შეიარაღების განლაგება მიუღებელია და უგულებელყოფს უსაფრთხოების დაცვის პრინციპებს, რომელთა ვალდებულებაც აიღო IAEA-ს ყველა წევრმა", — ვკითხულობთ განცხადებაში.

ქვეყნები მოუწოდებენ რუსეთს, არა მხოლოდ სამხედრო ძალა, არამედ საკუთარი პერსონალიც გაიყვანოს ატომური ელექტროსადგურის უშუალო და მიმდებარე, ასევე, სრულიად უკრაინის ტერიტორიიდან.

  • "უდაოა, რომ რუსეთის შემოჭრა და მისი მუდმივი ყოფნა უკრაინის ბირთვულ ობიექტებში მნიშვნელოვნად ზრდის ბირთვული ინციდენტებისა და ავარიების რისკს".

განცხადებას ხელს აწერენ: საქართველო, აშშ, დიდი ბრიტანეთი, გერმანია, საფრანგეთი, იაპონია, მოლდოვა, თურქეთი და სხვა.

  • ქვეყნების სრული ჩამონათვალი იხილეთ აქ.