31 წლის საქართველოს მოქალაქეს, ორშაბათს ლეპტოპოდაში, ხიოსზე გაუფრთხილებლობით გამოწვეული ხანძრის გამო, სამწლიანი პატიმრობა და 10 000 ევროს ოდენობის ჯარიმა მიესაჯა. ამის შესახებ ინფორმაციას ბერძნული მედია ავრცელებს.

არსებული ინფორმაციით, ბრალდებული ხიოსში შემთხვევამდე მხოლოდ 24 საათით ჩავიდა, სადაც ხანდაზმული ქალბატონის მომვლელად აპირებდა მუშაობის დაწყებას. ხანძარი, სავარაუდოდ, გზაზე გადაგდებულმა ნახევრად ჩამქრალმა სიგარეტმა გამოიწვია.

სასამართლომ, შემამსუბუქებელი გარემოებების გათვალისწინებით, დანაშაულზე მინიმალური სასჯელი განსაზღვრა. განაჩენი დაუყოვნებლივ აღსრულებადია, წერს ადგილობრივი მედია.