"ქართული ოცნების ქმედებები ფუნდამენტურ პრინციპებს არღვევს, რომლებზეც საქართველოსთან ევროკავშირის ურთიერთობებია აშენებული" — ამის შესახებ ლიეტუვის საგარეო საქმეთა სამინისტროს განცხადებაშია ნათქვამი.

როგორც უწყება აღნიშნავს, "პოლიტიკურად დევნილები უნდა გათავისუფლდნენ, ჩართული პირები კი დასანქცირდნენ".

"მკაცრად ვგმობთ საქართველოში რეპრესიებს, როდესაც ყოველდღე სულ უფრო მეტ ოპოზიციონერ ლიდერს აპატიმრებენ. ქართული ოცნების ქმედებები ფუნდამენტურ პრინციპებს არღვევს, რომლებზეც საქართველოსთან ევროკავშირის ურთიერთობებია აშენებული. პოლიტიკურად დევნილი აქტივისტები უნდა გათავისუფლდნენ; ჩართული პირები სანქციების წინაშე უნდა დადგნენ", - ვკითხულობთ განცხადებაში.