კვირას საფრანგეთში ძალაში შევიდა ახალი კანონი, რომელიც კრძალავს მოწევას პლაჟებზე, პარკებში, ავტობუსის გაჩერებებზე და სკოლების, საცურაო აუზებისა და ბიბლიოთეკების ირგვლივ 10-მეტრიან რადიუსში.

ჯანდაცვის მინისტრმა კატერინ ვოტრენმა განაცხადა, რომ „თამბაქო უნდა გაქრეს იმ ადგილებიდან, სადაც ბავშვები თამაშობენ და სწავლობენ“. მისი თქმით, ახალი წესები კიდევ ერთი ნაბიჯია 2032 წლისთვის თამბაქოსგან თავისუფალი თაობის შესაქმნელად.

Deutsche Welle-ს მიხედვით, აკრძალვა არ ვრცელდება ბარებისა და რესტორნების ტერასებზე, რასაც ესპანეთის მთავრობა აპირებს, განახორციელოს. ელექტრო სიგარეტები კანონში არ არის ნახსენები.

დამრღვევებს 135-დან 700 ევრომდე ჯარიმა ემუქრებათ, თუმცა პირველ ეტაპზე იქნება გონივრული გადახდის ვადა.

ოფიციალური მონაცემებით, საფრანგეთში პასიური მოწევა წელიწადში 3000-დან 5000-მდე ადამიანს კლავს. თამბაქოსთან დაკავშირებული დაავადებების გამო ქვეყანაში ყოველწლიურად 75 000 ადამიანი იღუპება — რაც დღეში საშუალოდ 200 ადამიანია — ამის შესახებ ჯანდაცვისა და ოჯახის მინისტრმა, კატრინ ვოტრენმა განაცხადა.

მიუხედავად იმისა, რომ მოწევა შემცირების მიდრეკილებას აჩვენებს და 2000 წლის შემდეგ რეკორდულად დაბალ მაჩვენებელს აღწევს, საფრანგეთში 30%-ზე მეტი ზრდასრული და 17 წლის მოზარდების 15% მაინც ეწევა.

ქვეყანაში სიგარეტის ერთი კოლოფი მინიმუმ €12 ღირს, რაც განპირობებულია თამბაქოს გადასახადების ზრდით.

ბოლო გამოკითხვის მიხედვით, მოსახლეობის 62% მხარს უჭერს მოწევის აკრძალვას საჯარო სივრცეებში.