სერბი ხალხი ალექსანდარ ვუჩიჩის 12-წლიან მმართველობას აპროტესტებს და ვადამდელ არჩევნებს მოითხოვს. სერბეთის დედაქალაქ ბელგრადში გამართულ საპროტესტო აქციაზე 140 000-მდე ადამიანი გამოვიდა. ხალხი სკანდირებდა: "ჩვენ გვინდა არჩევნები".

BBC-ის ცნობით, სერბეთის პოლიციამ ათობით ადამიანი დააპატიმრა. სპეცრაზმმა მომიტინგეების დასაშლელად ცრემლსადენი გაზი და ფეირვერკის მსგავსი ყუმბარები გამოიყურება.

ალექსანდარ ვუჩიჩმა პროტესტის მონაწილეები, რომელიც ვადამდელ არჩევნებს ითხოვს, უცხოური ძალის გავლენით ხელისუფლების უზურპაციაში დაადანაშაულა.

სერბეთის პრეზიდენტი ინსტაგრამზე წერს: "მათ სერბეთის ხელისუფლების დამხობა სურდათ, მაგრამ ვერ შეძლეს."

სერბეთის უმაღლეს სასამართლოს მიერ გავრცელებულ განცხადებაში ნათქვამია, რომ პარასკევს 5 ადამიანი დააკავეს, რომლებსაც ბრალი ედებათ მთავრობის დამხობის შეთქმულებაში.

ვუჩიჩის საპრეზიდენტო ვადა 2027 წელს იწურება. სერბეთში მიმდინარე წელს საპარლამენტო არჩევნებიცაა ჩანიშნული.

37 წლის სერბმა ფერმერმა სლადიანა ლოიანოვიჩმა, შაბათს განაცხადა, რომ სტუდენტების მხარდასაჭერად მოვიდა.

"ინსტიტუტები უზურპირებულია და... ბევრია კორუფციის შემთხვევები. გამოსავალი არჩევნებია, თუმცა არ მგონია, რომ მას (ვუჩიჩს) მშვიდობიანად წასვლა სურდეს," — განუცხადა მან Reuters-ს.

პრეზიდენტმა ადრე უარი თქვა ვადამდელი არჩევნების ჩატარებაზე. მისი პარტია 250 საპარლამენტო ადგილიდან 156-ს ფლობს.

ვუჩიჩის ოპონენტები მას და მის მოკავშირეებს ორგანიზებულ დანაშაულთან კავშირში, კორუფციაში, კონკურენტების წინააღმდეგ ძალადობასა და მედიის თავისუფლების შეზღუდვაში ადანაშაულებენ, რასაც ვუჩიჩი და მისი პარტიის წევრები უარყოფენ.

სერბეთი ინარჩუნებს ახლო ურთიერთობას რუსეთთან. უკრაინაში რუსეთის ომის დაწყების ფონზე, სერბეთს არ დაუწესებია რუსეთისათვის სანქციები. ქვეყანაში საპროტესტო ტალღის დაწყებამდე ნოვი სადის რკინიგზის სადგურის სახურავი ჩამოინგრა, რასაც 16 ადამიანი ემსხვერპლა. პროტესტანტები ამ ტრაგედიის მიზეზად კორუფციას ასახელებდნენ, რის გამოც უკვე ყოფილი პრემიერმინისტრი გადადგა.

შაბათის საპროტესტო აქციის დასასრულს, ლიდერებმა ხალხს ურჩიეს, "თავისუფლება ხელში აეღოთ" და პროტესტი გაეგრძელებინათ.

აქციის შემდეგ მათ ინსტაგრამზე დაწერეს, რომ მთავრობას დრო ჰქონდა პრობლემების მოსაგვარებლად და უსიამოვნებების თავიდან ასაცილებლად, მაგრამ ამის ნაცვლად, ძალადობა გამოიყენეს და ხალხის გაჩუმება სცადეს. მათი განცხადებით, თუ საქმე გაუარესდება, ეს მთავრობის ბრალი იქნება.