უკრაინის უსაფრთხოების სამსახურის ინფორმაციით, უკრაინამ რუსეთის სიღრმეში ორი ბომბდამშენი გაანადგურა და კიდევ ორი დააზიანა.

მათი ცნობით, უკრაინულმა ძალებმა გუშინ, 27 ივნისის ღამეს რუსეთის ვოლგოგრადის ოლქის მარინოვკას აეროდრომზე ორი რუსული გამანადგურებელ-ბომბდამშენი გაანადგურეს და კიდევ ორი დააზიანეს.

"უკრაინის შეიარაღებული ძალების სპეციალური ოპერაციების ძალებმა და უკრაინის უსაფრთხოების სამსახურმა ერთობლივი სპეცოპერაცია ჩაატარეს, რომლის შედეგადაც აეროდრომ მარინოვკაზე ორი რუსული გამანადგურებელ-ბომბდამშენი "სუ-34" გაანადგურეს და კიდევ ორი დააზიანეს.

რუსული გამანადგურებლების დასაბომბად შორი მოქმედების დრონები გამოიყენეს.

თავდასხმებმა ასევე გამოიწვია ხანძარი მტრის აეროდრომის ტექნიკურ და ოპერატიულ ნაწილში, რომელიც სამხედრო ობიექტის კრიტიკულად მნიშვნელოვან ინფრასტრუქტურას წარმოადგენს", - ნათქვამია განცხადებაში.