2022 წლის ივლისში უცხო ქვეყნის რეზიდენტებმა საქართველოში 597 887 ვიზიტი განახორციელეს. უცხოური ვიზიტების რაოდენობა წლიურ ჭრილში 158,9%-ით არის გაზრდილი.

დეტალები: ასეთია იმ ქვეყნების ჩამონათვალი, რომელთა მოქალაქეებმაც 2022 წლის ივლისში საქართველოში ყველაზე მეტი ვიზიტი განახორციელეს:

  • რუსეთი — 156 737 ვიზიტი, წლიური ზრდა — 525,5%;
  • სომხეთი — 103 906 ვიზიტი, წლიური ზრდა — 427,3%;
  • თურქეთი — 95 989 ვიზიტი, წლიური ზრდა — 173,9%;
  • საუდის არაბეთი — 27 712 ვიზიტი, წლიური ზრდა — 114,9%;
  • საქართველო (არარეზიდენტი) — 24 278 ვიზიტი, წლიური ზრდა — 62,3%;

გარდა ამისა, ივნისში საქართველოში ჩამოვიდნენ ისრაელის (22 684 ვიზიტი), ბელარუსის (20 773 ვიზიტი), ყაზახეთის (19 258 ვიზიტი), უკრაინის (18 711 ვიზიტი), აზერბაიჯანისა (14 282 ვიზიტი) და სხვა ქვეყნების მოქალაქეები.

რიცხვებში: ჯამში, 2022 წლის შვიდ თვეში უცხოელმა ვიზიტორებმა საქართველოში 2 037 404 ვიზიტი განახორციელეს, რაც წლიურად 193,1%-იან ზრდას ნიშნავს.

  • ეს მაჩვენებელი პანდემიამდელ პერიოდთან, ანუ 2019 წელთან შედარებით 50,5%-ით არის შემცირებული.