5 მიზეზი, თუ რატომ მოქმედებს მოწესრიგებული სახლი ჩვენს განწყობაზე დადებითად
![](http://joey.on.ge/2022/08/03/1659525035.jpg)
ფოტო: Pinterest
ალბათ, აქამდეც შეგინიშნავს, რომ სახლის დალაგებასთან ერთად თითქოს დიდ ტვირთს იშორებ და თავს შედარებით უკეთ გრძნობ. ეს შეგრძნება მოჩვენებითი არ არის, რადგან მოწესრიგებულ სახლსა და მენტალურ ჯანმრთელობას შორის კავშირზე კვლევები უკვე არსებობს. ასე რომ, თუ შენი მენტალური პრობლემების მიზეზს კარგად ვერ ხვდები, სახლის დალაგება ამ მდგომარეობის გაანალიზებისა და შემსუბუქებისთვის შესაძლოა, სწორი ნაბიჯი აღმოჩნდეს.
რთული სამუშაო დღეებისა თუ სხვა მიზეზების გამო, სახლში პატარა არეულობა თითქმის ყველასთვის ჩვეულებრივი მოვლენაა. ამ სტატიაში კი იმ 5 მიზეზზე გესაუბრებით, თუ რატომ მოქმედებს მოწესრიგებული სახლი ჩვენს განწყობაზე დადებითად. თუ ამაზე ჯერ არ გიფიქრია, მაგრამ გარკვეული მოსაზრებები გაქვს, შეგიძლია, სტატიის მეშვეობით მეტი გაიგო.
1. მოწესრიგებული სახლი სოციალიზაციისკენ გიბიძგებს
პირდაპირი კავშირის დანახვა სუფთა სახლსა და სოციალიზაციას შორის ცოტა ბუნდოვანია, თუმცა თუ კარგად დაფიქრდები, როცა სახლი მოწესრიგებულია, სტუმრების დაპატიჟება უფრო თამამად შეგიძლია. ალბათ, სტუმრის დაპატიჟებაზე მოუწესრიგებელი სახლის გამო უარი ერთხელ მაინც გითქვამს და საღამოს მარტო დარჩენილხარ. სუფთა სახლი კი ამ ბარიერს ხსნის და დიდი შანსია, მეტი საინტერესო ადამიანი გაიცნო.
2. სუფთა სახლში თავს უფრო მშვიდად გრძნობ
არეულ სახლში ცხოვრებისას, სხვადასხვა ნივთისა თუ ტანსაცმლის პოვნა ხშირად ძალიან რთულია. ეს პროცესი დროსაც გვაკარგვინებს და გაღიზიანებასაც იწვევს. ეს ყველაფერი კი შფოთვას ზრდის და ადამიანი ნელ-ნელა სიმშვიდეს კარგავს. ასე რომ, თუ სიმშვიდის განცდა შენთვის პრიორიტეტულია, სახლის მოწესრიგება არ დაიზარო. შედეგად, არც არეული სახლის შეგაწუხებს და უფრო ორგანიზებულიც გახდები.
3. სხვა პასუხისმგებლობებზე უკეთ ფოკუსირდები
ზოგჯერ ადამიანები სახლის მოწესრიგებას ვერ ახერხებენ, რადგან სხვა საქმეების შესრულება უფრო პრიორიტეტულია. რეალურად კი, როცა არეულ გარემოში გიწევს მუშაობა, ამან სტრესი და დაძაბულობა კიდევ უფრო შეიძლება გაამძაფროს და დაკისრებულ ვალდებულებაზეც უარყოფითად იმოქმედოს. ამიტომ, თუ სუფთა სახლის შენარჩუნებას შეძლებ, ეს სხვა პასუხისმგებლობების შესრულებაშიც დაგეხმარება და ნაკლებად სტრესულ გარემოში მოგიწევს ცხოვრება.
4. დალაგება ერთგვარი თერაპიაა
დასუფთავება მოწესრიგებული სახლის გარდა ადამიანს კონტროლის გრძნობას უბრუნებს. დასუფთავებულ სახლში ზუსტად იცი, რომელი ნივთი სად არის და ეს ზოგადად ცხოვრებისადმი დამოკიდებულებაზეც აისახება. ორგანიზებული სივრცე გეხმარება, რომ მარტივი საქმეებიც კი დაგეგმო და ყველა დეტალი აკონტროლო. ზოგს კი სახლისთვის ახალი იერსახის მიცემაც ეხმარება, რისთვისაც ავეჯის განლაგება შეგიძლია შეცვალო.
5. შეგიძლია, ეკომეგობრული საწმენდი საშუალებები გამოიყენო
საკუთარი და ოჯახის წევრების ჯანმრთელობა ყველასთვის პრიორიტეტულია. თუმცა ვიცით, რომ საწმენდი საშუალებების უმეტესობა ისეთ ქიმურ ელემენტებს შეიცავს, რომლებიც ჯანმრთელობისთვის საზიანოა. მაგრამ დღეს არსებობს ალტერნატივა — ეკომეგობრული საწმენდი საშუალებები, რომლითაც საყვარელი ადამიანების ჯანმრთელობასაც დაიცავ და ბუნებასაც გაუფრთხილდები. სახლის დასუფთავებისას სწორედ ასეთი საშუალებების გამოყენება შეგიძლია, რითაც საკუთარ თავზეც და გარემოზეც ერთდროულად იზრუნებ.
სტატიას წარმოგიდგენთ ეკოლოგიურად სუფთა სარეცხი და საწმენდი საშუალებები გერმანიიდან: fit-gmbh არის სარეცხი და საწმენდი საშუალებების მწარმოებელი კომპანია 55-წლიანი გამოცდილებით. პროდუქცია 100%-ით წარმოებულია გერმანიაში.
fit-gmbh-ის ეკო ხაზის პროდუქცია Grüne Kraft არის ყველასათვის ხელმისაწვდომი ეკოლოგიურად სუფთა საწმენდი და სარეცხი საშუალებები. Grüne Kraft-ის ხაზის პროდუქცია ფლობს საერთაშორისო ხარისხის და ეკოსერთიფიკატს - EU Ecolabel.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები