BBC ჩინეთის სახელმწიფო მედიაზე დაყრდნობით წერს, რომ წვრთნები ხვალიდან დაიწყება და სამი დღე გაგრძელდება.

რატომ არის მნიშვნელოვანი: ტაივანში აშშ-ის წარმომადგენელთა პალატის პირველი სპიკერის, ნენსი პელოსის ვიზიტს ჩინეთი ეწინააღმდეგებოდა.

  • ტაივანი თვითმმართველი დემოკრატიაა, რომელსაც ჩინეთი საკუთარ ტერიტორიად მიიჩნევს და აშშ-ის ოფიციალური პირების ვიზიტს განიხილავს, როგორც კუნძულის დამოუკიდებლობის მომხრე ბანაკისთვის წამახალისებელი სიგნალის გაგზავნას.

დეტალები: წვრთნების რეგიონებში შესვლა ყველა სამოქალაქო გემს და თვითმფრინავს აეკრძალება.

  • გარდა ამისა, პელოსის ტაივანში ვიზიტის წინ, ჩინეთმა შეაჩერა იმპორტი ორცხობილებისა და ნამცხვრების 35 ტაივანელ ექსპორტიორთან. ორცხობილა და ნამცხვრები მნიშვნელოვანი სავაჭრო ნივთებია ტაივანსა და ჩინეთს შორის
  • BBC-ს ცნობით, სავარაუდოა, რომ ტაივანში 100-ზე მეტი კომპანია იძულებული იქნება შეწყვიტოს ბიზნესი ჩინეთთან მას შემდეგ, რაც სანქცია ძალაში შევიდა.
  • Global Times წერს, რომ წვრთნები ტაივანის კუნძულის მიმდებარე ექვს რეგიონში ჩატარდება.

ჩინეთი პელოსის ტაივანში ვიზიტს გმობს. საგარეო საქმეთა სამინისტრომ ამას "ერთი ჩინეთის პრინციპის სერიოზული დარღვევა" უწოდა, რაც "მკაცრ გავლენას მოახდენს ჩინეთ-აშშ ურთიერთობების პოლიტიკურ საფუძველზე".

  • სამინისტროს განცხადებაში ნათქვამია, რომ პელოსის ვიზიტი სერიოზულად არღვევს ჩინეთის სუვერენიტეტსა და ტერიტორიულ მთლიანობას.
  • ჩინეთმა მოუწოდა აშშ-ს შეწყვიტოს ჩინეთის საშინაო საქმეებში ჩარევა და "არასწორ და სახიფათო გზაზე შემდგომი გავლა".

პელოსი აშშ-ის წარმომადგენელთა პალატის პირველი სპიკერია, რომელიც ბოლო 25 წლის განმავლობაში ტაივანში ჩავიდა.

  • მისი განცხადებით, მსოფლიო არჩევანის წინაშე დგას ავტოკრატიასა და დემოკრატიას შორის.