ევოპარლამენტარი ანდრიუს კუბოლიუსი აცხადებს, რომ საქართველოში მედიათავისუფლება მთავრობის მსხვერპლია, რომელიც სამართლის პოლიტიზირებას ცდილობს.

"დღეს ჩვენ განვიხილავთ ჩვენს წუხილს მედიათავისუფლების სიტუაციასთან დაკავშირებით საქართველოში, რადგან დარწმუნებულები ვართ, რომ ქართველი ხალხი იმსახურებს ჩვენი ოჯახის წევრობას. ჩვენ გვინდა, რომ საქართველო იყოს ალიანსის წევრი, მაგრამ ამისთვის საკმარისი არ არის მხოლოდ ხალხის სურვილი, ქვეყანამ უნდა დააკმაყოფილოს წევრობის კრიტერიუმები — დემოკრატია, კანონის უზენაესობა, მედიის თავისუფლება. ყოველივეს უნდა ახორციელებდეს მთავრობა და მისი ლიდერები. ზუსტად აქ არის ჩვენი წუხილი, მედიათავისუფლება ხდება საქართველოს მთავრობის მოქმედი და ჩრდილოვანი ლიდერების პოლიტიკის მსხვერპლი, რომლებიც საქართველოში სამართლის პოლიტიზირებას ცდილობენ და ეს აბსოლუტურად მიუღებელია", — ამბობს ის.

ევროპარლამენტში საქართველოში მედიის თავისუფლებასა და ჟურნალისტთა უსაფრთხოებაზე მსჯელობენ, ხვალ, 9 ივნისს კი რეზოლუციას მიიღებენ.

ამავე თემაზე: