ოკუპირებული დონეცკის დეფაქტო ლიდერმა, დენის პუშლინმა განაცხადა, რომ აზოვსტალის ქარხნის ადგილას რუსებს ტექნოპარკის ან უბრალოდ ან უბრალოდ პარკის მოწყობა სურთ. პუშლინის თქმით, მარიუპოლს საკურორტო ბიზნესისთვის აღადგენენ. ინფორმაციას რუსული პროპაგანდისტული მედია, რია ავრცელებს.

მარიუპოლის საკრებულოს განცხადებით, რუსები პრევენციულად ანგრევენ უკრაინისთვის მნიშვნელოვან ინდუსტრიულ კომპლექსს. საკრებულო ხაზგასმით აღნიშნავს, რომ ოკუპანტები არ არიან დაინტერესებული მარიუპოლის აღდგენით და განვითარებით, რადგან მათთვის ეს მხოლოდ ყირიმის დერეფნის ტერიტორიაა.

"მათთვის ეს მხოლოდ ყირიმის დერეფნის ტერიტორიაა", — წერია განცხადებაში.

მარიუპოლის საკრებულო განმარტავს რატომ არის აზოვსტალის ფოლადის ქარხანა მნიშვნელოვანი. მათი თქმით, ეს არის 10 000 ადამიანის სამუშაო ადგილი, მილიარდობით დოლარის შემოსავალი, 7 000 ტონა მაღალი ხარისხის ფოლადი, 6 მილიონი ტონა რკინა და 4,5 მილიონი ტონა ლითონი.

მარიუპოლის მერის მოადგილის, სერგეი ორლოვის თქმით, ოკუპანტებმა ქალაქის 80-90% დაბომბეს.