რუსეთის თავდაცვის სამინისტრო ამბობს, რომ აზოვსტალის ქარხნიდან დაჭრილი უკრაინელი ჯარისკაცების ევაკუაციაზე შეთანხმდნენ. უკრაინულ მხარეს ამასთან დაკავშირებით კომენტარი არ გაუკეთებია.

"16 მაისს, მარიუპოლში, აზოვსტალის მეტალურგიული ქარხნის ტერიტორიაზე ბლოკირებული უკრაინელი სამხედროების წარმომადგენლებთან მოლაპარაკების შედეგად, მიღწეული იქნა შეთანხმება დაჭრილების გაყვანაზე", — აცხადებენ სამინისტროში პროპაგანდული მედია რიას ცნობით.

რუსეთის თქმით, ამ ეტაპზე ქარხნის ტერიტორიაზე ცეცხლი შეწყვეტის რეჟიმი დამყარდა და გაიხსნა ჰუმანიტარული დერეფანი, რომლითაც დაჭრილი უკრაინელი სამხედროები ოკუპირებული დონეცკის ნოვოაზოვსკის სამედიცინო დაწესებულებაში გადაჰყავთ, რათა უზრუნველყონ ყველა საჭირო დახმარება.