ფრანგი ევროპარლამენტარი რაფაელ გლუკსმანი ზელენსკის განცხადებაზე მაკრონის შეთავაზებასთან დაკავშირებით ამბობს, რომ არ არსებობს სახე, რომელიც უნდა შენარჩუნდეს, არსებობს ფაშისტური ომის მანქანა, რომელიც უნდა შეჩერდეს.

"საფრანგეთის ეს აკვიატება, რომ "დაეხმაროს პუტინს სახის შენარჩუნებაში", მაშინაც კი თუ ის მოითხოვს დიდ დათმობებს მისგან, ვისაც თავს დაესხა აგრესორი, პათეტიკური და საშიშია. აქ არ არსებობს "სახე", რომელიც უნდა "შენარჩუნდეს", არსებობს ფაშისტური ომის მანქანა, რომელიც უნდა შეჩერდეს", — წერს ის ტვიტერზე.

უკრაინის პრეზიდენტის, ვოლოდიმირ ზელენსკის განცხადებით, საფრანგეთის პრეზიდენტმა, ემანუელ მაკრონმა სუვერენიტეტთან დაკავშირებით "გარკვეულ დათმობაზე წასვლა" შესთავაზა, რათა "პუტინის სახე შეენარჩუნებინა". ამის შესახებ მან იტალიურ მედიასთან უკრაინულად ისაუბრა. ზელენსკის ამ კომენტარს სხვადასხვა უკრაინული მედია ავრცელებს.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში