უკრაინის პრეზიდენტის, ვოლოდიმირ ზელენსკის განცხადებით, საფრანგეთის პრეზიდენტმა, ემანუელ მაკრონმა სუვერენიტეტთან დაკავშირებით "გარკვეულ დათმობაზე წასვლა" შესთავაზა, რათა "პუტინის სახე შეენარჩუნებინა". ამის შესახებ მან იტალიურ მედიასთან უკრაინულად ისაუბრა. ზელენსკის ამ კომენტარს სხვადასხვა უკრაინული მედია ავრცელებს.

"ჩვენ არ უნდა ვეძებოთ რუსეთისთვის გამოსავალი და ბატონი მაკრონი ამას ტყუილად აკეთებს. მას დიდებული გამოცდილება აქვს, რომ სანამ რუსეთს არ სურს, არაფერს მოძებნის. მას უნდოდა მედიაციაში გარკვეული შედეგებისთვის მიეღწია, მაგრამ ვერ იპოვა ვერც ჩვენთან, ვერც რუსეთთან", — აღნიშნა ზელენსკიმ.

სწორედ ამ დროს ზელენსკიმ აღნიშნა, რომ "ზოგიერთი ლიდერისგან" ამის შემოთავაზება არასწორია.

"მგონია, რომ ეს არ არის ძალიან სწორი ზოგიერთი ლიდერის მხრიდან. ჩვენ არ ვართ მზად, რომ რაღაც ვიღაცისთვის გადავარჩინოთ და ამის გამო, ჩვენი ტერიტორიები დავკარგოთ. ეს დაკარგული დროა", — განაცხადა მან.

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში