აშშ-ის პრეზიდენტი, ჯო ბაიდენი აცხადებს, რომ ვლადიმერ პუტინს უკრაინაში მიმდინარე რუსული ომიდან უკან დასაბრუნებელი გზა არ აქვს. მის კომენტარს Reuters ავრცელებს.

"[პუტინს] არ აქვს უკან დასაბრუნებელი გზა და მე ვცდილობ მივხვდე, რისი გაკეთება შეგვიძლია ამასთან დაკავშირებით", — განაცხადა მან.

9 მაისს წითელ მოედანზე რუსული არმია საზეიმო აღლუმით გამოვიდა. შეკრებილებს სიტყვით მიმართა რუსეთის პრეზიდენტმა, ვლადიმერ პუტინმა, რომელმაც კიდევ ერთხელ გააჟღერა საკუთარი პროპაგანდისტული გზავნილები, თუმცა თქვა იმაზე ნაკლები, ვიდრე მსოფლიო ელოდა.

მან გაატარა ნარატივი, თითქოს უკრაინაში შეჭრა დასავლეთმა, ნატოს გაფართოებამ და უკრაინის აგრესიულმა რიტორიკამ აიძულა. ის ამტკიცებდა, რომ უკრაინა ბირთვულად შეიარაღებას, ყირიმში შეჭრას და დონბასში სადამსჯელო ღონისძიებებს გეგმავდა.

გაიგეთ მეტი:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში