ოთხშაბათს Uber-მა შემოსავლების ზრდის შესახებ განაცხადა. თუმცა, იმავდროულად, ცნობილი გახდა, რომ კომპანიამ პირველ კვარტალში 5,9 მილიარდის ზარალის განიცადა.

შემოსავლების ზრდასთან დაკავშირებული ინფორმაცია კომპანიის აქციების ღირებულებაზეც აისახა და 4%-იანი ზრდა დააფიქსირა. აღსანიშნავია, რომ Uber-ის შემოსავლები პირველ კვარტალში წლიურად 136%-ით არის გაზრდილი.

ასეთია Uber-ის ძირითადი ფინანსური მაჩვენებლები პირველი კვარტლის მიხედვით:

• ზარალი ერთ აქციაზე — 18 ცენტი, მოსალოდნელი 24 ცენტის ნაცვლად;
• შემოსავალი — 6,85 მილიარდი დოლარი, მოსალოდნელი $6,13 მილიარდის ნაცვლად;

რაც შეეხება პროგნოზებს, კომპანია ელოდება, რომ მეორე კვარტალში ჯავშნების საერთო ღირებულება $28,5-დან $29,5 მილიარდამდე იქნება. ამასთან, კომპანიის აღმასრულებელი დირექტორის თქმით, აპრილში ჯავშნების რაოდენობამ 2019 წლის მაჩვენებლებს უკვე გადააჭარბა.

პირველ კვარტალში კომპანიის $5,9 მილიარდიანი ზარალი აზიურ კომპანიებში, Grab-სა და Aurora-ში ინვესტიციების განხორცილებამ გამოიწვია.

Uber-ის ბიზნესის სხვადასხვა სეგმენტის ფინანსური მაჩვენებლები პირველი კვარტლის მიხედვით:

• საავტომობილო (მთლიანი ჯავშნები) — $10,7 მილიარდი, წლიურად გაზრდილია 58%-ით;
• მიტანის სერვისი (მთლიანი ჯავშნები) — 13,9 მილიარდი, წლიურად გაზრდილია 12%-ით.

აღსანიშნავია, რომ კომპანია ძირითადად კონცენტრირებულია მიტანის სეგმენტზე, თუმცა პირველ კვარტალში საავტომობილო გამოძახებიდან შემოსავლებმა $2,52 მილიარდის შემოსავალი მოიტანა, ხოლო მიტანის სერვისმა — $2,51 მილიარდის.

Uber-მა განაცხადა, რომ პირველ კვარტალში 1,71 მილიარდი მგზავრობა შეასრულა, რაც 18%-ით მეტია გასული წლის იმავე პერიოდის მაჩვენებელთან შედარებით. ყოველთვიური აქტიური მომხმარებლების რიცხვმა კი 115 მილიონს მიაღწია, რაც 17%-ით არის გაზრდილი წლიურად. კომპანიაში ამბობენ, რომ მძღოლებისა და კურიერების ჯამურმა შემოსავალმა 9 მილიარდი შეადგინა, რაც ოდნავ შემცირებულია გასული წლის მეოთხე კვარტალთან შედარებით.

ვაჭრობა/ინვესტირება დაკავშირებულია მაღალ რისკებთან და იმ შემთხვევაშიც კი, თუ რეკომენდაციების შესაბამისად არის განხორციელებული, შესაძლოა გამოიწვიოს არსებითი დანაკარგები, ისევე, როგორც მოგება. თქვენ დეტალურად უნდა გააანალიზოთ, რამდენად მისაღებია თქვენთვის ვაჭრობა/ინვესტირება თქვენი ფინანსური მდგომარეობის გათვალისწინებით და შეგიძლიათ თუ არა გასწიოთ თანხის დაკარგვის რისკი.

აქციებით ვაჭრობა ახლა უკვე საქართველოს ბანკის მობილბანკით არის შესაძლებელი. ესტუმრე მობილბანკს, რომლის საშუალებითაც ისეთი საერთაშორისო კომპანიების ფასიანი ქაღალდებით ვაჭრობას შეძლებ, როგორებიცაა: Apple, Amazon, Microsoft, Tesla, Google და სხვა. ეს სიახლე საქართველოს ბანკმა მისი ჯგუფის შვილობილი კომპანიის, Galt & Taggart-ისა და საერთაშორისო ფინანსური ტექნოლოგიების პლატფორმა DriveWealth-ის პარტნიორობით დანერგა. თუ გსურს მეტი გაიგო ინვესტიციების შესახებ, ესტუმრე ფეისბუქგვერდს — ინვესტიციები, სადაც გაიგებ მეტს, თუ როგორ ივაჭრო აქციებით.