მსახიობ ანდრო ჭიჭინაძის ადვოკატის, თორნიკე მიგინეიშვილის თქმით, სტრასბურგის სასამართლომ საჩივარი წარმოებაში მიიღო და ანდრო ჭიჭინაძის საქმის განხილვა დაიწყო.

"პირველი რთული ეტაპი დაძლეულია წარმატებით!

უმოკლეს ვადაში სტრასბურგის სასამართლომ ჩვენი საჩივარი წარმოებაში მიიღო და ანდრო ჭიჭინაძის საქმის განხილვა დაიწყო!

გვექნება მუდმივი კომუნიკაცია ევროპულ სასამართლოსთან", — წერს თორნიკე მიგინეიშვილი.

შეგახსენებთ, რომ თბილისის საქალაქო სასამართლოს 11 პირის, მათ შორის ანდრო ჭიჭინაძის სასამართლო პროცესის დაწყებას ელოდებიან, რომელთაც ჯგუფური დანაშაულის ჩადენა ედებათ ბრალად.