Forbes Books თამარ გახარიას ავტობიოგრაფიას აქვეყნებს

Forbes Books-მა, გამომცემლობამ, რომელიც ცნობილია მსოფლიოში გამორჩეული ლიდერული ისტორიების პოპულარიზაციით, რამდენიმე დღის წინ თამარ გახარიას ავტობიოგრაფია წიგნად გამოსცა — “The Blitz: საქართველოს შვილის აღმასვლა ფინანსური დირექტორის თანამდებობაზე პოსტსაბჭოთა ეპოქაში“.

თამარ გახარია მსოფლიოს მასშტაბით რვა პროფესიონალს შორის მოხვდა, რომლებიც Forbes Book-მა გამოცემისთვის შეარჩია. თამარის ისტორია აღწერს სოციალური ცვლილებებითა და პირადი გამოწვევებით აღსავსე რთულ გზას, რომელმაც ის პროფესიულ წინსვლამდე, მსხვილ ბიზნესში წარმატებამდე და საკუთარი თავის შეცნობამდე მიიყვანა.

საქართველოს ეკონომიკაში დიდი წვლილის შემტანი — უმსხვილესი ჰოლდინგი აქტივებითა და თანამშრომლების რაოდენობით — სიბიეს ჯგუფი აერთიანებს ისეთ საკვანძო სექტორებს, როგორებიცაა ენერგეტიკა, კომუნიკაციები, ტრანსპორტი, უძრავი ქონება, ახალი ტექნოლოგიები და სტარტაპები. ფინანსური დირექტორის რანგში თამარ გახარია ერთ-ერთ მთავარი პერსონაა, რომელმაც სიბიეს ჯგუფის წარმატება განაპირობა, იმ პოზიციის ფარგლებში, რომელიც 25 წლისამ დაიკავა.

თამარის ისტორია სიმტკიცისა და შეუპოვრობის შესანიშნავი მაგალითია, რაც განსაკუთრებულად აქტუალურია ქალებისა და დამწყები ლიდერებისათვის მთელ მსოფლიოში. „The Blitz“-ში ავტორი საუბრობს საკუთარ პირად და პროფესიულ გამოცდილებაზე, დაწყებული რთული ბავშვობიდან, რომელიც განვლო პოსტსაბჭოთა საქართველოს არასტაბილურ პირობებში, მძიმე გამოწვევებით სავსე ზრდასრული ასაკითა და ამჟამინდელი პოზიციით დამთავრებული. ეს ისტორია მკითხველს ემოციური ამბებისა და პრაქტიკული ასპექტების კომბინაციით აჩვენებს იმ ძალასა და ამბიციას, რომლებმაც განსაზღვრა, როგორც თამარის პიროვნული ზრდა, ისე თანამედროვე საქართველოს განვითარება.

“Forbes Books-ის მიერ ჩემი წიგნის გამოცემა წარმოუდგენლად დიდი პატივია“, — განაცხადა თამარ გახარიამ, — “ჩემი ისტორიის გაზიარებით მსურს შთავაგონო და გავაძლიერო სხვა ქალები და ლიდერები მთელ მსოფლიოში, მინდა ყველა დავარწმუნო იმაში, რომ ნებისმიერი დაბრკოლების გადალახვა შესაძლებელია. მინდა, ვისარგებლო შემთხვევით და მადლობა გადავუხადო სიბიეს ჯგუფის არაჩვეულებრივ გუნდს, მათი უზარმაზარი მხარდაჭერისთვის, როგორც ჩემი პროფესიული ზრდის თვალსაზრისით, ისე მოცემული წიგნის შექმნის პერიოდში. საკუთარი შეუპოვრობისა და მიზანდასახულობის გარდა, თითოეული ჩვენგანის წარმატებაში დიდი მნიშვნელობა აქვს იმას, თუ ვინ გვიდგას გვერდში”.

"The Blitz“ ონლაინ ვერსია უკვე ხელმისაწვდომიამთელს მსოფლიოში — Amazon, Barnes & Noble, BAM!, BBookshop, Hudson Booksellers, Pochlight და აშშ-ს წიგნის მაღაზიებში, ხოლო საქართველოში მისი წიგნის შეძენა რამდენიმე დღეში იქნება შესაძლებელი.

დამატებითი ინფორმაციისთვის გამოგვყევით ჩვენს გვერდებზე სოციალურ მედიაში:

Facebook

Instagram

LinkedIn