ოცნების ხელისუფლებამ დააინიციირა კანონპროექტი "საქართველოს მეცნიერებათა ეროვნული აკადემიის შესახებ", რომლისა მიხედვითაც მეცნიერებათა აკადემიის თანამშრომლებს ხელფასები 25-დამ 40%-მდე გაეზრდებათ.

კანონპროექტის მიხედვით, რომელსაც ხელს ოცნების მიერ არჩეული პრეზიდენტი, მიხეილ ყაველაშვილი აწერს, აკადემიის ნამდვილ წევრს (აკადემიკოსს) ენიშნება ანაზღაურება მთელი სიცოცხლის განმავლობაში თვეში არანაკლებ 2000 ლარის ოდენობით (მოქმედი კანონმდებლობით ანაზღაურება 1600 ლარია);

აკადემიის წევრ-კორესპონდენტს ენიშნება ანაზღაურება მთელი სიცოცხლის განმავლობაში თვეში არანაკლებ 1250 ლარის ოდენობით (მოქმედი კანონმდებლობით ანაზღაურება 900 ლარია);

აკადემიის სტიპენდიატს ენიშნება სტიპენდია თვეში არანაკლებ 1250 ლარის ოდენობით. (მოქმედი კანონმდებლობით ანაზღაურება 1000 ლარია);

საქართველოს სახელმწიფო ბიუჯეტიდან საქართველოს სოფლის მეურნეობის მეცნიერებათა აკადემიის ნამდვილ წევრს და წევრ-კორესპონდენტს მთელი სიცოცხლის განმავლობაში ენიშნებათ ყოველთვიური ანაზღაურება შესაბამისად არანაკლებ 2000 და 1250 ლარისა (მოქმედი კანონმდებლობით ანაზღაურება 900 და 1400 ლარია);

საქართველოს სოფლის მეურნეობის მეცნიერებათა აკადემიის სტიპენდიატს ენიშნება სტიპენდია თვეში არანაკლებ 1250 ლარის ოდენობით (მოქმედი კანონმდებლობით ანაზღაურება 900 ლარია);

კანონპროექტი დამტკიცების შემთხვევაში 2025 წლის 1 სექტემბრიდან ამოქმედდება.

კანონპროექტის განმარტებით ბარათში წერია, რომ უკანასკნელ წლებში ქვეყანაში მაღალი ეკონომიკური ზრდის ტემპია. ამ რეალობის გათვალისწინებით მნიშვნელოვანია აკადემიკოსების, აკადემიის წევრკორესპონდენტების და სტიპენდიატების კანონით დადგენილი მინიმალური ანაზღაურების კორექტირება”.