განათლების მიღება ცხოვრების უმნიშვნელოვანესი გადაწყვეტილებაა, რომელიც არა მხოლოდ აკადემიურ ცოდნას, არამედ, პიროვნულ ფორმირებასა და მომავალს განსაზღვრავს. უნივერსიტეტის არჩევა ამ გზაზე პირველი და უმთავრესი ნაბიჯია, რომელმაც, შესაძლოა, მთელი ცხოვრების მიმართულება შეცვალოს. მრავალი ახალგაზრდისთვის ეს რთული დილემაა, მაგრამ ზოგიერთი იპოვის სივრცეს, სადაც პიროვნულობა, ღირებულებები და პროფესიული ზრდა ჰარმონიულად ერწყმის ერთმანეთს.

საბაუნი არ არის მხოლოდ განათლების მიღების სივრცე — ეს ის ადგილია, სადაც სტუდენტები თანასწორობის, თავისუფლებისა და მრავალფეროვნების პრინციპებით ვითარდებიან. სტუდენტობა ეს არის პროცესი, რომელიც პიროვნულ ზრდასთან, კარიერულ შესაძლებლობებთან და საერთაშორისო გამოცდილებასთან არის დაკავშირებული. საერთაშორისო ურთიერთობების საბაკალავრო პროგრამის სტუდენტი, მარიამ ღაღანიძე, გვიზიარებს საკუთარ გამოცდილებას — რატომ აირჩია საბაუნი, როგორ ეხმარება უნივერსიტეტის ღირებულებები კარიერულ და პიროვნულ განვითარებაში და რა შესაძლებლობებს აძლევს ის სტუდენტებს.

რატომ საბაუნი?

აბიტურიენტობისას ვეძებდი ისეთ უნივერსიტეტს, სადაც თავს კომფორტულად ვიგრძნობდი, სადაც შემეძლებოდა საკუთარი თავის რეალიზება და განვითარება. სულხან-საბა ორბელიანის უნივერსიტეტი (საბაუნი) სწორედ ასეთი აღმოჩნდა. პირველ რიგში, უნივერსიტეტის ღირებულებები — თანასწორობა, თავისუფლება და ევროპული ოჯახისკენ სწრაფვა — სრულიად დაემთხვა ჩემს შეხედულებებს. ამიტომ, როცა არჩევანის გაკეთება მომიწია, საბაუნი სიაში პირველ პრიორიტეტად მოვნიშნე.

ცოტა რამ სასწავლო გარემოზე...

პირველივე დღიდან მივხვდი, რომ საბაუნიში ყველაფერი სხვანაირადაა. აქ არ არის მხოლოდ საგნები და შეფასებები — უნივერსიტეტი გაძლევს საშუალებას, განვითარდე, როგორც პროფესიულად, ისე, პიროვნულად. ლექტორები შენს აზრს პატივს სცემენ, დისკუსიები ყოველთვის საინტერესო და მრავალმხრივია. აქ სწავლა სტრესთან არ ასოცირდება — პირიქით, ეს არის გარემო, სადაც სიამოვნებით აკეთებ შენს საქმეს და ვითარდები.

საერთაშორისო გამოცდილება და პრაქტიკული ცოდნა

საბაუნი აქტიურად თანამშრომლობს საერთაშორისო პარტნიორებთან, რაც სტუდენტებს უდიდეს შესაძლებლობებს აძლევს. მქონდა შესაძლებლობა სრული დაფინანსებით მიმეღო მონაწილეობა საერთაშორისო სასწავლო კვირეულში პოლონეთში, ვარშავაში, სადაც ნატოსა და ევროკავშირის საკითხებზე ვიმუშავე.

ამ გამოცდილებამ კიდევ უფრო მეტი თავდაჯერებულობა მომცა მომავალი კარიერისთვის.

სტუდენტური ცხოვრება – სპორტი, ხელოვნება და ინიციატივები

საბაუნიში სტუდენტური ცხოვრება აქტიურია — სპორტული გუნდები, კულტურული ღონისძიებები, ინიციატივები, სადაც შეგიძლია ჩაერთო და შენი იდეები განახორციელო.

ახლა ძალიან საინტერესო პროცესში ვარ, სტუდენტებთან ერთად მუსიკალური გუნდის ჩამოყალიბებაზე ვმუშაობ, რაც კიდევ უფრო საინტერესოს გახდის პროცესს.

რჩევა აბიტურიენტებს...

იმუშავეთ საკუთარ თავზე და, რაც მთავარია, სწორად შეარჩიეთ უნივერსიტეტი.

სულხან-საბა ორბელიანის უნივერსიტეტი არის ადგილი, სადაც თქვენი შრომა ნამდვილად დაფასდება და აქ მიღებული გამოცდილება კარიერის საწყის ეტაპზე უდიდეს უპირატესობას მოგცემთ.

ვინც საკუთარი მომავლის შენებას ისეთ გარემოში გეგმავს, სადაც თავისუფლება, თანასწორობა და შემოქმედებითი აზროვნება ფასეულობებია, საბაუნი სწორედ ის ადგილია, სადაც თქვენი უნარების, იდეებისა და მისწრაფებების რეალიზება შეგიძლიათ.

უნივერსიტეტის კოდი ცნობარში -088.