VELI.store წელს თბილისის წიგნის საერთაშორისო ბაზრობის ციფრული პარტნიორია. ამ თანამშრომლობის ფარგლებში, ველი კიდევ უფრო ხელმისაწვდომს ხდის წიგნებს და სასურველი ლიტერატურის შეძენის შესაძლებლობას აძლევს მათაც, ვინც ვერ ახერხებს ფიზიკურად დაესწროს ფესტივალს.

მომხმარებლები თბილისის წიგნის ბაზრობის ფარგლებში, ველიზე იმავე ფასდაკლებებით სარგებლობას შეძლებენ, რაც სტუმრებს 10-13 აპრილს ფიზიკურად ექსპო ჯორჯიაში დახვდებათ, დამატებით კი, წიგნების კატეგორიაში შოპინგისას, 10-13 აპრილის ჩათვლით, 20%-იანი ქეშბექით ისარგებლებენ

"ველისთვის წიგნების კატეგორიის განვითარება, კომერციული მიზნების გარდა, სოციალურ პასუხისმგებლობასა და კულტურული პროექტების მხარდაჭერასაც უკავშირდება — სწორედ ამიტომ ვართ წარმოდგენილი თბილისის წიგნის ბაზრობაზე. გვსურს, რომ წიგნების შერჩევა და შეძენა საქართველოს ნებისმიერ წერტილში მცხოვრები მკითხველისთვის მარტივი და სწრაფი პროცესი იყოს". — დათა ხარაიშვილი, ველის წიგნების მიმართულების ბიზნეს ლიდი.

ფოტო: ველი სთორი

VELI.store ცდილობს, მკითხველებს წიგნების მაქსიმალურად ფართო არჩევანი შესთავაზოს და ამისთვის აქტიურად თანამშრომლობს, როგორც ქართულ და უცხოურ გამომცემლობებთან, ისე ლიტერატურასა და წიგნებთან დაკავშირებულ სხვა ორგანიზაციებთან. ასევე, დიდ ყურადღებას აქცევს საგამომცემლო საქმეში მიმდინარე პროცესებს, კვლევებს, ტრენდებს, ახალ სერიებსა და გამოცემებს.

ქართულენოვანი წიგნების შემთხვევაში, როგორც წესი, ნებისმიერი მნიშვნელოვანი გამოცემა — ეს იქნება თარგმანი, თუ ორიგინალური ლიტერატურა, ონლაინმაღაზიის თაროზეც უმოკლეს დროში ხვდება. მრავალფეროვნების თვალსაზრისით ველი წიგნის სრულყოფილი მაღაზიაა, რადგან აქ ნებისმიერი ასაკისა და გემოვნების მკითხველი იპოვის სასურველ ლიტერატურას.


“საქართველოს წიგნის ასოციაციისთვის თბილისის წიგნის ბაზრობა ყველაზე მასშტაბური ღონისძიებაა. გვინდოდა, რომ ამ დღის მიღმა არ დაგვეტოვებინა რეგიონში მცხოვრები მკითხველები. ამიტომ, თანამშრომლობა გადავწყვიტეთ VELI.store-თან, რომელიც წიგნის ბაზრობის ციფრული პარტნიორი გახდა და მოგვცა შესაძლებლობა, რომ ყველას, ვინც ვერ ახერხებს მოსვლას, მაინც ვუმასპინძლოთ და იმავე ფასდაკლებებით სასურველი წიგნების შეძენის ალტერნატიული გზა შევთავაზოთ.” — ნატა ძველიშვილი, საქართველოს წიგნის ასოციაციის აღმასრულებელი დირექტორი

ფოტო: ველი სთორი

მოემზადე თბილისის წიგნის ბაზრობისთვის, შეარჩიე სასურველი ლიტერატურა და შეიძინე წლის საუკეთესო შეთავაზებით.