რუსმა ოკუპანტებმა ქალაქი ოდესა დაბომბეს. როგორც საქალაქო საბჭომ Telegram-ზე დაწერა ოდესაზე საჰაერო თავდასხმა მოხდა. მათივე ცნობით, ზოგიერთი რაკეტა ქალაქის საჰაერო თავდაცვის სისტემამ ჩამოაგდო. ამასთან, ხანძარია ზოგიერთ რაიონში.

CNN-ის ადგილზე მყოფი კორესპონდენტის ცნობით, საწვავის საცავი იწვოდა. როგორც მას ერთ-ერთმა ადგილობრივმა განუცხადა, დილით აფეთქების ხმა 6-ჯერ გაიგეს.

მოგვიანებით, ოდესის რეგიონალური სამხედრო ადმინისტრაციის ოპერატიული შტაბის სპიკერმა, სერხი ბრაჩუკმა თქვა, რომ ოკუპანტებმა კრიტიკულად მნიშვნელოვანი ინსფრასტრუქტურა დააზიანეს. მან, ასევე, აღნიშნა, რომ ადგილზე შესაბამისი სამსახურები მუშაობენ და ამჟამად სიტუაცია კონტროლს ექვემდებარება.