უკრაინის საგარეო საქმეთა სამინისტროს სპიკერი ოლეგ ნიკოლენკო საქართველოს ხელისუფლებას მიმართავს და ეკითხება — მას შემდეგ რაც რუსეთმა 2008 წლიდან გაგიკეთათ, არ გრცხვენიათ რომ კარასინი გაქებთ? მან ტვიტი ჯერ ინგლისურად, შემდეგ კი ქართულადაც გამოაქვეყნა.

რუსეთის საბჭოს სენატორმა, გრიგორი კარასინმა საქართველოს ხელისუფლება "შეაქო" რუსეთისთვის დაკისრებულ სანქციებზე საქართველოს პოზიციის გამო. მის თქმით, პოზიცია "დაბალანსებული" იყო და კრემლს ეს ფაქტი "შეუმჩნეველი არ დარჩება".

კარასინის განცხადებას მმართველ გუნდში გამოეხმაურნენ, თუმცა ამჯერადაც ოპოზიციის კრიტიკით. დეპუტატმა, არჩილ თალაკვაძემ "გონივრული ეჭვი გამოთქვა", რომ დესტრუქციული ძალებისთვის კეთდება ასეთი განცხადებები. მისი განცხადებით, არცერთი ასეთი შექება, არცერთი ასეთი რევერანსი რუსეთის ფედერაციის მხრიდან საქართველოს ხელისუფლებისთვის არაფერს არ ნიშნავს.