უკრაინელმა მერებმა მთელს მსოფლიოში ადგილობრივ თვითმართველობებს მოუწოდეს, მხარი დაუჭირონ უკრაინის ცის დახურვას და დაეხმარონ შვილების გადარჩენაში. მათ ასევე მიმართეს კოლეგებს, მხარი დაუჭირონ რუსეთის წინააღმდეგ სანქციების გაძლიერების მოთხოვნებსა და უკრაინის მისწრაფებებს ევროპულ და ევროატლანტიკურ სტრუქტურებში ინტეგრაციისკენ. მერების ღია წერილს უკრაინსკაია პრავდა ავრცელებს.

"უთხარით თქვენი ქვეყნების ხელმძღვანელობას და იმ პოლიტიკოსებს, რომლებიც იღებენ გადაწყვეტილებებს ჩვენი თავდაცვისთვის თქვენი დახმარების შესახებ.

გაუგზავნეთ ოფიციალური მიმართვა თქვენს ცენტრალურ მთავრობებს, მხარი დაუჭირონ უკრაინის ევროპულ და ევროატლანტიკურ ინტეგრაციას დაჩქარებული პროცედურებით. ჩვენ ერთად შეგვიძლია ვიპოვოთ გადაწყვეტილებები, რომლებიც გადაარჩენს უკრაინას და თავისუფალ სამყაროს", — ვკითხულობთ წერილში.

გამოცემის ინფორმაციით, დიდი ქალაქების მერების გარდა, ამ მიმართვას მხარი დაუჭირა ადგილობრივი თვითმართველობების 800-მდე წარმომადგენელმა, ხელმოწერების შეგროვება გრძელდება.

"თქვენ შეგიძლიათ იყოთ ძლიერი ხმა, რომელიც გავლენას ახდენს თქვენი ქვეყნების ლიდერების გადაწყვეტილების მიღებაზე. მერებისა და ადგილობრივი თვითმმართველობების გაერთიანებების, ადგილობრივი დეპუტატების მოთხოვნები და განცხადებები უნდა იყოს ხმამაღალი, რათა მოისმინონ.

დაგვეხმარეთ დავიცვათ ჩვენი შვილები და ქალები, როგორც ჩვენ შევძლებდით დაგვეცვა თქვენი", — წერენ ისინი.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში