27 ივნისიდან 18 ივლისის ჩათვლით, საქართველო მსოფლიო რაგბის ახალგაზრდულ, 20-წლამდელთა ჩემპიონატს თბილისში უმასპინძლებს. ჩემპიონატი 2017 წლის შემდეგ საქართველოში პირველად გაიმართება და მსოფლიოს საუკეთესო ახალგაზრდა მორაგბეებს თბილისსა და ქუთაისში გააერთიანებს. ჩემპიონატის გლობალური პარტნიორია კოკა-კოლა, რომელიც მსოფლიო რაგბისთან მრავალწლიანი თანამშრომლობის ფარგლებში სპორტის უწყვეტ მხარდაჭერას აგრძელებს.

კომპანია კოკა-კოლა ბოთლერს ჯორჯია, როგორც რაგბის 20-წლამდელთა მსოფლიოს ჩემპიონატის გლობალური პარტნიორი, განსაკუთრებულ მნიშვნელობას სპორტის, ახალგაზრდებისა და ჯანსაღი ცხოვრების წესის მხარდაჭერას ანიჭებს. კომპანია ათწლეულების განმავლობაში მსოფლიოს უმსხვილესი სპორტული შეჯიბრებების გვერდით დგას და მილიონობით გულშემატკივარს სპორტის ირგვლივ აერთიანებს. სწორედ ამ ღირებულებების გაგრძელებაა მისი პარტნიორობა რაგბის 20-წლამდელთა მსოფლიოს ჩემპიონატთან, რომელიც ახალგაზრდა მორაგბეებს საერთაშორისო ასპარეზზე საკუთარი შესაძლებლობების წარმოჩენის უნიკალურ სივრცეს სთავაზობს.

2026 წლის ახალგაზრდულ ჩემპიონატში მონაწილე გუნდების რაოდენობა 12-დან 16-მდე გაიზარდა. შედეგად, როგორც თბილისში, ისე ქუთაისში, გულშემატკივრებს 20-20 უმაღლესი დონის მატჩის ნახვის შესაძლებლობა ექნებათ. ერთმანეთს მსოფლიო რაგბის 16 ქვეყნის 20-წლამდელთა ნაკრებები შეერკინება. მათი შემადგენლობა იმ ამომავალი ვარსკვლავებით არის დაკომპლექტებული, რომლებიც მომავალში, კაცთა რაგბში, ქომაგებისთვის არაერთ დაუვიწყარ წუთს შექმნიან.

ჩემპიონატში მონაწილეობენ: საქართველო, აშშ, არგენტინა, იტალია, შოტლანდია, ინგლისი, ირლანდია, ახალი ზელანდია, იაპონია, უელსი, საფრანგეთი, ფიჯი, სამხრეთ აფრიკა, ურუგვაი, ავსტრალია და ესპანეთი. მომავალი ვარსკვლავების ახალი ტალღა — 16 ქვეყნის 500-მდე მორაგბე — პირველად სწორედ ქართველი ქომაგის წინაშე, თბილისსა და ქუთაისში გაიბრწყინებს.

საქართველოს რაგბის 20-წლამდელთა ნაკრები A ჯგუფში იასპარეზებს. ჩვენი გუნდი მოქმედ ჩემპიონ სამხრეთ აფრიკას, უელსსა და ურუგვაის დაუპირისპირდება. საქართველოს ნაკრები სამივე მატჩს თბილისის ავჭალის სტადიონზე გამართავს.

2008 წელს დაფუძნებულმა რაგბის 20-წლამდელთა მსოფლიოს ჩემპიონატმა ელიტურ რაგბის უკვე 500-ზე მეტი უმაღლესი კლასის მორაგბე შესძინა. მათგან არაერთი მსოფლიო რაგბის ვარსკვლავია და დღესაც საკუთარი თამაშით მილიონობით ქომაგს აღაფრთოვანებს. სწორედ ასეთი ჩემპიონატებიდან და ტურნირიდან იწყება იმ მოთამაშეთა დიდი ნაწილის საერთაშორისო კარიერა, რომლებიც შემდეგში მათ მსოფლიო რაგბის მთავარ სახეებად აქცევს.